Álıhan Smaıylov bıýdjet qarajatyn tolyq ári tıimdi ıgerýdi tapsyrdy

<p>Memlekettik organdar men ákimdikter azyq-túlik baǵasyn turaqtandyrý jumysyn belsendi jalǵastyrýy qajet. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.&nbsp;</p>

«Jyldyń sońyna deıin 2,5 aı qaldy. Ekonomıkanyń barlyq salalarynda ósý qarqynyn arttyrý úshin jumysty kúsheıtip, naqty sharalar qabyldaý kerek. Barlyq jaýapty memlekettik organdar men ákimdikter azyq-túlik taýarlarynyń baǵasyn turaqtandyrý jáne otandyq azyq-túlik óndirisin yntalandyrý boıynsha belsendi jumysty jalǵastyrýy qajet», — dedi Álıhan Smaıylov.

Úkimet basshysy sheteldik jáne otandyq ınvestorlardy tarta otyryp, shıkizattyq emes sektorlarda, onyń ishinde óńdeý ónerkásibi, aýyl sharýashylyǵy, kólik, logıstıka, IT, týrızm jáne basqa salalarda ınvestjobalardy iske asyrýdy jedeldetýge basa kóńil bólý kerektigin basa aıtty.

«Sondaı-aq, shaǵyn jáne orta bıznesti damytý úshin qolaıly jaǵdaı jasaý, kásipkerlik bastamalardy qoldaý, jańa jumys oryndaryn qurýdy yntalandyrý boıynsha tıisti sharalardy odan ári jalǵastyrý qajet. Barlyq bıýdjettik baǵdarlamalar ákimshileri jyl sońyna deıin qarajattyń, onyń ishinde bıýdjetten qarjylandyrylatyn ınvestıtsııalyq jáne ınfraqurylymdyq jobalar boıynsha qarajattyń tolyq jáne tıimdi ıgerilýin qamtamasyz etýi kerek», — dedi Premer-Mınıstr.