Álıhan Smaıylov aýrýhanaǵa baryp, zardap shekken kenshilerdiń kóńilin surady

<p>QR Premer-Mınıstri Álıhan Smaıylov aýrýhanaǵa baryp, &laquo;ArselorMıttal Temirtaý&raquo; AQ-nyń Kostenko atyndaǵy shahtasynda bolǵan órt saldarynan zardap shekken kenshilerdiń kóńilin surady, dep habarlaıdy QR Úkimetiniń baspasóz qyzmeti.&nbsp;</p>

Qazirgi ýaqytta Professor H.J. Maqajanov atyndaǵy kópsalaly aýrýhanada zardap shekken 20 kenshi qajetti em alýda.

Patsıentter ártúrli apparattardy, sonyń ishinde KT jáne ÝDZ qoldaný, sondaı-aq túrli sala mamandaryn tartý arqyly tolyq tekserildi.

Olardyń kóbi gazdan ýlanǵan, alaıda barlyǵynyń jaǵdaıy – turaqty, ómirlerine qaýip tónip turǵan joq.

Foto: Úkimet

Premer-Mınıstr zardap shekkenderge barlyq qajetti medıtsınalyq kómek kórsetilýi tıis ekenin atap ótti.

«Barlyǵyńyzǵa tezirek saýyǵyp, otbasylaryńyzǵa aman-esen oralýlaryńyzdy tileımin», — dedi Álıhan Smaıylov.

Kenshilerdiń biri qaza tapqan áriptesteriniń otbasylaryna qandaı kómek kórsetiletini týraly surady.

«Bul – shynymen de óte aýyr qasiret. Qaıǵylaryńyzǵa ortaqtasyp, kóńil aıtamyz. Búgin Memleket basshysy qaza tapqandardyń otbasylaryna qajetti qarajat bólý týraly tapsyrma berdi. Tolyǵymen qoldaý kórsetemiz: baspana, nesıelerdi óteý, balalardy oqytý, birjolǵy tólemder – munyń barlyǵymen qamtamasyz etemiz», — dedi Premer-Mınıstr.