Álıhan Smaıylov «108 jastaǵy» sıyrǵa sýbsıdııa tólengenin rastady

<p>ASTANA. KAZINFORM &ndash; Májilis depýtaty Baqytjan Bazarbek Joǵary aýdıtorlyq palatanyń sýbsıdııa salasyna júrgizgen aýdıttiń qorytyndysyn talqylaý kezinde adam aqylyna syımaıtyn zańsyzdyqtaryn betin ashqan. Baspasóz máslıhatynda Álıhan Smaıylov depýtat keltirgen derekterdiń ras ekenin aıtty.</p>

— Sýbsıdııa jymqyrý tásilderiniń shekten shyqqan sonsha 1299 aılyq iri qaraǵa sýbsıdııa tóleý faktisi anyqtalǵan. Bul 108 jyl degen sóz. 1917 jyldyń naýryzynda týǵan mal dep keltirgen. Basqasha aıtsaq, ákimdikter Amangeldi Imanov kóterilisi bastalardan eki jyl buryn týǵan sıyrǵa sýbsıdııa bergen, — degen depýtat Baqytjan Bazarbek. 

Joǵary aýdıtorlyq palata tóraǵasy bul fakti aýdıt kezinde anyqtalǵanyn aıtady.

— Ol faktiler shynymen de bar. Ol faktiler aýdıtorlyq qorytyndyny derekterinen alynyp otyr. Keıbir aýylsharýashylyq qurylymdar tıisti mólsherden joǵary kólemde sýbsıdııa alǵany týraly faktiler bar. Bir is-sharaǵa eki márte sýbsıdııa alý derekteri kezdesedi. Ókinishke qaraı, bul faktilerdiń bári aýyl sharýashylyǵy salasyn tsıfrlandyrýdyń talapqa saı bolmaı turýymen baılanysty, — dedi ol.

Palata basshysy Baqytjan Bazarbek keltirgen derek ońtústik óńirlerdiń birinde tirkelgenin aıtty.