Álıhan Baımenov: Senim - óte mańyzdy ákimshilik qundylyq

ALMATY. QazAqparat - Turaqty, ornyqty damý deńgeıine shyǵý úshin qoǵamda , qoǵam men bılik arasynda senim jetkilikti deńgeıdi bolý kerek. Bul týraly «Qoǵamdyq senim jáne áleýmettik kapıtal» atty halyqaralyq onlaın konferentsııa barysynda Memlekettik qyzmet salasyndaǵy Ortalyq Azııa Óńirlik haby basqarýshy komıtetiniń tóraǵasy Álıhan Baımenov aıtty, dep habarlaıdy QazAqparat tilshisi.

«Senim – óte mańyzdy qundylyq. Onyń ishinde bizdiń qoǵam sekildi ótpeli kezeńde turǵan modernızatsııalaýdy qajet etetin qoǵamda senimniń mańyzy óte zor. Sebebi, turaqty, ornyqty damý deńgeıine shyǵý úshin qoǵamda , qoǵam men bılik arasynda senim jetkilikti deńgeıdi bolý kerek. Ásirese, qazirgi uzaq merzimdi yqpaly bar pandemııany alsaq, ótken jarty jylda senimniń tek qana qoǵamnyń qundylyǵy emes sonymen qatar, óte mańyzdy ákimshilik qundylyq ekeni, úkimettiń súıenetin tiregi retinde jahandyq deńgeıde kóz jetti. Sebebi, senim bolmasa úkimetterdiń tipti durys qabyldanyp jatqan sheshimderine kúmánmen qaraý kóp bolady»,– dedi Álıhan Baımenov.

Sonymen qatar, ol senimniń jeti tiregin atady.

«Meniń pikirimshe senimniń jeti tiregi bar. Atap aıtar bolsam, kommýnıkatsııa, eńbekti baǵalaý, ádep, qaýpsizdik, ortaq erjelerdi qurmetteý jáne zańdy basshylyqqa alý, áleýmettik lıftlerdiń durys jumys jasaýy jáne qoǵamdaǵy yqpaldastyq pen yntymaqtastyq»,– dedi ol.

Aıta keteıik, Almatyda «Qoǵamdyq senim jáne áleýmettik kapıtal» atty halyqaralyq onlaın konferentsııa ótip jatyr.