Álibek Qýantyrov Jańa jyl aldyndaǵy qymbatshylyq yqtımaldyǵyna pikir bildirdi

ASTANA. QazAqparat – Ulttyq ekonomıka mınıstri Álibek Qýantyrov Jańa jyl aldyndaǵy qybatshylyq yqtımaldyǵy týraly pikir bildirdi, dep habarlaıdy QazAqparat tilshisi.

«Mundaı boljamdy aıta almaımyn. Bul Ulttyq banktiń máselesi. Biraq ınflıatsııany turaqtandyrýǵa tyrysamyz. Úkimet pen mınıstrliktiń basty mindeti – ınflıatsııany tejeý. Al kóteriletin baǵalar bir qarqynmen ósýi kerek», – dedi mınıstr.

BAQ ókilderi qazirdiń ózinde jekelegen taýarlar qybattap jatqanyn aıtyp, «bul jalpy baǵanyń artýyna túrtki bolmaı ma?» degen saýal qoıdy.

«Mandarın dep otyrǵanyńyz bazalyq tutyný taýary bolyp eseptelmeıdi. Birinshiden, onyń ınflıatsııa quramyna kire me, bilmeımin. Ol quramda 550-den astam azyq-túlik ónimi bar. Adamdar az mólsherde satyp alatyn myńdaǵan ónim túri bar, túsinesiz be? Olardyń baǵasynan bazalyq tutyný taýarlarynyń baǵasyna áser bolmaıdy. Sondyqtan, mandarın baǵasyna silteýdiń qajeti joq. Eń bastysy, bazalyq ónimderdiń baǵasynyń turaqty bolýyn qamtamasyz etý qajet. Onyń ishinde áleýmettik mańyzǵa ıe ónimder de bar», - dedi Álibek Qýantyrov Úkimet otyrysynan keıin tilshilerge.