Álibek Qýantyrov Ulttyq qordan qosymsha alynatyn qarajattyń qaıda jumsalatynyn aıtty

NUR-SULTAN. QazAqparat –QR Ulttyq ekonomıka mınıstri Álibek Qýantyrov jýrnalısterge Ulttyq qordan kepildendirilgen transfertti naqtylaý ne úshin qajet bolǵanyn túsindirdi, dep habarlaıdy QazAqparat tilshisi.

«Ulttyq qordan qaıta-qaıta aqsha ala berý qanshalyqty oryndy? Jınaqtalǵan qarajattiń túbi kórinip qalmaı ma?», - dep surady BAQ ókilderi Ulttyq ekonomıka mınıstrinen.

«Birinshiden, bul sharalardan tirnektep jınaǵan qarajattyń túbi kórinip qalmaıdy. Ulttyq qordyń aktıvteri boıynsha burynǵy deńgeıde qalamyz. Onyń ústine biz Ulttyq qordyń jalpy ónimge qatysty tómengi shegin kóteremiz. Bul shama jalpy ishki ónimniń 30 paıyzynan kem bolmaýy kerek. Biz Ulttyq qordan aqshany Memleket basshysynyń qańtardyń basynan beri júktegen tapsyrmalaryn iske asyrýǵa alamyz. Sondaı-aq, túrli baǵdarlamalyq qujattarǵa bólemiz», - dedi Álibek Qýantyrov.

Sondaı-aq, ol Ulttyq qordyń mindeti keleshekke qor jınaýmen shektelmeıdi degen ýáj aıtty.

«Ulttyq qordyń birneshe fýnktsııasy bar. Jınaqtaý, ınvestıtsııalaý jáne daǵdarysqa qarsy fýnktsııalary bar. ıAǵnı, bul – qalypty protsess, kontrtsıkldik bıýdjet saıasaty», - dedi vedomstvo basshysy.