Álibek Qýantyrov birneshe óńirdegi ınfraqurylymǵa qatysty kemshilikterdi aıtty
Búgin Májilistegi Úkimet saǵatynan keıin tilshiler mınıstrden Óńirlik standarttar júıesi kórsetkishi boıynsha Shyǵys Qazaqstan, Batys Qazaqstan jáne Jetisý oblystarynda ne sebepti ınfraqurylymmen qamtamasyz etý deńgeıi tómen ekenin surady.
«Atap aıtqanda, bul óńirler ózderiniń ınfraqurylymyn atalǵan standarttar deńgeıine jetkize almaǵan. Biz 2025 jylǵa deıin tıisti standartqa deıin jetkizý mindetin qoıyp otyrmyz. Osy oraıda óńirlerdegi kórsetkishter birdeı dárejege jetedi», - dedi Á. Qýantyrov.
Bul turǵyda ol úsh oblystaǵy negizgi faktorlardy atady.
«Onda birneshe sebep bar. Osy óńirlerde aýyldar kóp jáne olardyń birazyna tıisti deńgeıde nazar aýdarylmaǵan. Sondyqtan atalǵan standart júıesi aıasynda ádisteme ózgerdi, endi barlyǵyn eskerý kerek bolady. Ár óńirdegi jaǵdaı ózgeshe ekeni túsiniktik. Máselen, Túrkistan oblysy aýmaǵynda 2 mıllıonnan astam adam turady. Ol jerde aýyldar tym jaqyn ornalasqan. Bir aýyldyń ózinde turǵyndar kóp bolǵandyqtan, ol eldi mekende ınfraqurylym salý ońaıyraq», - dedi mınıstr.
«Al Soltústik Qazaqstan nemese Batys Qazaqstan oblystaryne toqtalsaq, onda aýyldardyń arasy alys bolǵasyn, jol salý nemese ınjenerlik kommýnıkatsııalar tartýdyń shyǵyny joǵary. Degenmen biz joldy salýymyz kerek. Osy máselede óńirlerdiń aýmaqtyq qurylymyna, klımattyq jaǵdaıyna jáne basqa da faktorlara nazar aýdarýymyz qajet», - dedi Álibek Qýantyrov.
Budan buryn habarlanǵandaı, Óńirlik standarttar júıesin ózgeris engizilip, jańa redaktsııada nysandar men kórsetiletin qyzmetterdiń tizbesi aıtarlyqtaı keńeıtildi.
2023 jyly óńirlerdiń ınjenerlik jáne kólik ınfraqurylymyn damytý úshin 14 oblys ortalyǵynda 67 bıýdjettik ınvestıtsııalyq jobany iske asyrýǵa 42,1 mlrd teńge bólindi.