Álibek Áldeneı praımerız týraly: Bir mezette daýys berýge 76 myńnan asa adam kirgen
«Qazirgi sátte aqparattyq júıede 728 879 adam tirkelgen (avtorızatsııalanǵan). Daýys berý bastapqy sátten qarqyndy ótýde. Búgingi túngi saǵat 00.00-den tańǵy saǵat 04.00-ge deıin «Praımerız» júıesine 50 myńdaı partııalyq júgindi. Saǵat 11.00-de, bir mezettegi júkteme 76 myńnan astam suranysqa jetti.Tehnıkalyq monıtorıng bir mezgilde daýys berýshi partııalyqtar men nátıjeni baqylap otyrǵan kandıdattarmen qatar saıtty bógde qoldanýshylar da kóptep qarap otyrǵanyn kórsetýde. Munyń barlyǵy júıege artyq salmaq túsirýge ákeledi, ol tıisinshe protsessti edáýir baıaýlatyp, suranystardy óńdeý ýaqytyn ulǵaıtady. Qazir bizdiń IT-mamandarymyz tehnıkalyq irkilisterdi joıý, arnalardyń ótkizý múmkindikterin arttyrý sharalaryn qolǵa alýda», dep jazdy Nur Otan partııasynyń hatshysy Álibek Áldeneı jelidegi paraqshasynda.
Aıta keteıik, bul – Qazaqstanda el kóleminde ótip otyrǵan tuńǵysh onlaın daýys berý. Sondyqtan júktemeniń joǵary bolý yqtımaldyǵyn eskerip, áýel bastan daýys berýdi 3 kún, 1 – 3 qazan aralyǵynda, ıaǵnı tutastaı 62 saǵat ótkizý týraly sheshim qabyldandy.
«Saǵat 13.00-de «Praımerız» AJ-de 31 367 partııalyq daýys berdi. «Daýys berý nátıjeleri» bóliminiń jańartylýy 30 mınýttan 1 saǵatqa deıin ýaqyt alady. Bul algorıtm júıege túsetin júktemeni tómendetý úshin engizilgen», dep tolyqtyrdy ol.
Álibek Áldeneıdiń aıtýynsha, taldaý kóptegen qoldanýshynyń júıede saǵattap otyrǵanyn kórsetken.
«Sondyqtan kandıdattardan jáne basqada qoldanýshylardan júıege qaıta-qaıta kirýdi toqtata turyp, partııalyqtardyń daýys berýlerine múmkindik berýlerin suraımyn.Eki túbegeıli jaıtty atap ótkim keledi. Birinshi. Árbir partııalyqtyń daýys berý nátıjeleri saqtalady jáne suranystardy óńdeý barysyna qaraı mindetti túrde júıede kórsetiletin bolady. Ekinshi. Qorǵanys jáne shıfrlaý kez kelgen burmalaýshylyqqa jol bermeıdi.
Elimizdiń eń shalǵaı eldi mekenderiniń turǵyndaryn qosa alǵanda partııanyń barlyq múshesi daýys bere alady», - dep tujyramdady,