Alibaba kompanııasy ChatGPT-ge básekeles bolatyn óz chatbotyn shyǵardy

ASTANA. QazAqparat– Seısenbi kúni Qytaıdyń tehnologııalyq alyby Alibaba jasandy ıntellektiniń óz generatıvtik modeli – ChatGPT chatboty jumys isteıtin tehnologııanyń derbes nusqasyn tanystyrdy. Sonymen qatar ol jaqyn ýaqytta kompanııanyń barlyq qosymshalaryna ıntegratsııalaý júrgiziletinin jetkizdi. Bul týraly QazAqparat VVS-ge silteme jasap habarlaıdy.

Kompanııada Tongyi Qianwen chatbotyn kóp kúttirmeı Alibaba ónimderine ıntegratsııalanatynyn málimdedi. Biraq onyń naqty qaı kezde jasalatynyn ashyp aıtpady. Tongyi Qianwen botynyń ataýyn «myń suraq qoıa otyryp, jaýap izdeý» dep aýdarýǵa bolady.

Alibaba osy jyl basynda ChatGPT básekelesin qurý boıynsha jumys istep jatqanyn habarlaǵan bolatyn.

«Biz generatıvti jasandy ıntellekt pen bultty esepteýler ákelgen shuǵyl ózgeristi tehnologııalyq kezeńde turmyz», - dep málimdedi Alibaba tóraǵasy jáne bas atqarýshy dırektory Denıel Chjan Tongyi Qianwen-di iske qosýǵa qatysty sóılegen sózinde.

Kompanııa Tongyi Qianwen aǵylshyn tilinde de, qytaı tilinde de jumys isteýge qabiletti ekenin, aldymen DingTalk – Alibaba-nyń habar almasýǵa arnalǵan keńselik qosymshasy ashylatynyn aıtty. Bot jumys jınalystary men kezdesýleri kezindegi sózderdi jazyp alady jáne oqyp beredi, iskerlik belgiler jasaıdy jáne elektrondyq hattar jazady.

Alibaba-nyń bultty kompıýtıng bólimshesi klıentter ózderiniń mamandandyrylǵan aýqymdy tildik modelderin jasaýy úshin Tongyi Qianwen-ge kirýine jol ashýdy josparlap otyr. Tongyi Qianwen paıdalanýshylaryn tirkeý juma kúni bastaldy.