Alibaba-ǵa «Altyn jetkizýshi» retinde qazaqstandyq 100 kompanııa tirkeledi
«Atameken» Ulttyq kásipkerler palatasymen birlesip «Internet-eksporttaýshy mektebi» baǵdarlamasy iske qosyldy. Elektrondyq saýda alańdarynda bıznesti júrgizýdiń praktıkalyq ádisine 200 qatysýshy oqytyldy. Bastaýshy jáne tájirıbeli kásipkerlerge ınternet-platformalarda ilgeriletý boıynsha tikeleı qoldaý kórsetildi. Máselen, Alibaba halyqaralyq platformasyna «Altyn jetkizýshi» retinde tirkeý úshin 50 kompanııa irikteldi. Bul premıaldy mártebesi jahandyq aýdıtorııaǵa qoljetimdilikti, marketıng ishinde keshendi ilgeriletý múmkindigin qamtamasyz etedi. Jyldyń aıaǵyna deıin biz taǵy 50 kompanııaǵa osyndaı járdem kórsetýdi josparlap otyrmyz«, - dedi mınıstr.
Onyń aıtýynsha, Alibaba halyqaralyq platformasyna alǵashqy irikteýge ilikken qazaqstandyq 50 bıznestiń 22-si tirkelip úlgergen. Olar bıylǵy jyly qazaqstandyq ónimdi jalpy 28 mln dollar somaǵa satýdy, qosymsha 83 jumys ornyn qurýdy josparlap otyr.
»Jalpy, 2019 jyly elektrondyq saýda arqyly qazaqstandyq taýarlardyń eksporty qarqyndy ósip, 5 mln dollardy qurady. Bul jetistikterdi ári qaraı arttyrý úshin eksporttaýshylardyń shyǵyndaryn óteý erejesiniń 2-paketi aıasynda elektrondyq saýda alańdarynda tirkeýge baılanysty rásimderdi júrgizýge jumsalǵan shyǵyndardyń 60 paıyzǵa deıin tólem túrinde qoldaý usynyldy«, - dedi ol.
Baqyt Sultanov Qazaqstanǵa halyqaralyq platformalar tartý jóninde sharalar qabyldanǵanyn atap ótti. Ótken jyly mınıstrlik «Wildberries» halyqaralyq kompanııasymen ınvestıtsııalyq jobany júzege asyrý týraly memorandýmǵa qol qoıǵanyn eske saldy.
«Onyń negizgi maqsaty – atalǵan platforma arqyly qazaqstandyq taýarlardyń eksportyn arttyrýǵa múmkindik beretin ınfraqurylymdy qurý jáne damytý. Wildberries kompanııasy Astana halyqaralyq qarjy ortalyǵynyń qatysýshysy bolyp tirkeldi. Bul ınvestor retinde óziniń quqyqtary men múddelerin qorǵaýǵa tolyq múmkindikterdi beredi. Búgingi tańda 21 qazaqstandyq kompanııa Reseı, Belarýs, Qyrǵyzstan jáne Armenııa sııaqty baǵyttar boıynsha osy platformadaǵy taýardyń 594 túrin satady. Aldaǵy ýaqytta satý geografııasy Eýropalyq odaq elderine keńeıtiledi.», - dedi mınıstr.