Álı Bektaev Senattyń agrarlyq máseleler komıtetiniń tóraǵasy boldy

ASTANA. QazAqparat – Búgin Senattyń jalpy otyrysynda Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy bolyp Álı Bektaev saılandy, dep habarlaıdy QazAqparat tilshisi.

Álı Ábdikárimuly 1962 jyly 20 sáýirde Túrkistan (burynǵy Ońtústik Qazaqstan) oblysy, Qazyǵurt aýdany, Jańabazar aýyly.

Bilimi, mamandyǵy: 1984 jyly Qazaq aýylsharýashylyq ınstıtýty, ınjener-mehanık. 1992 jyly Qazaqstan menedjment, ekonomıka jáne boljaý ınstıtýty (KIMEP), saıasattanýshy.

Ǵylymı dárejesi, laýazymy:

Ekonomıka ǵylymdarynyń kandıdaty (2000 jyl).

Eńbek joly:

1984-1985 jyldary – Lenger aýdany, Seıfýllın atyndaǵy kolhozdyń bas ınjeneri;

1985-1987 jyldary – Qazaqstan LKJO, Saıram aýdandyq komıtetiniń bólim meńgerýshisiniń orynbasary;

1987-1989 jyldary – Saıram aýdandyq partııa komıtetiniń nusqaýshysy;

1989-1990 jyldary – Saıram aýdany, Frýnze atyndaǵy keńshardyń partııa komıtetiniń hatshysy;

1990-1991 jyldary – Tashkent, Almaty joǵarǵy partııa mektebiniń jáne Qazaqstan menedjment, ekonomıka jáne boljaý ınstıtýtynyń tyńdaýshysy;

1991 jyly – Shymkent oblystyq partııa komıtetiniń keńesshisi;

1991-1992 jyldary – «Qazyǵurt LTD» ÓKF bas dırektorynyń orynbasary;

1992-1994 jyldary – Qazyǵurt aýdandyq ákimshiligi basshysynyń orynbasary;

1994-1999 jyldary – OQO Jastar isi, týrızm jáne sport basqarmasynyń basshysy;

1999 jyly – Ońtústik Qazaqstan oblysy memlekettik qyzmet departamentiniń basshysy;

1999-2000 jyldary – Ońtústik Qazaqstan oblysy syrtqy ekonomıkalyq baılanys jáne ınvestıtsııalar basqarmasynyń basshysy;

2000-2002 jyldary – Qazyǵurt aýdanynyń ákimi;

2002-2006 jyldary – Ońtústik Qazaqstan oblysy ákiminiń orynbasary;

2006-2008 jyldary – Túrkistan qalasynyń ákimi;2008-2014 jyldary – Ońtústik Qazaqstan oblysy ákiminiń orynbasary; 2014 jyldyń qarashasynda Qazaqstan Respýblıkasy Parlamenti Senatynyń depýtaty bolyp saılandy; 2014-2017 jyldary – Qazaqstan Respýblıkasy Parlamentiniń Senaty Áleýmettik-mádenı damý jáne ǵylym komıtetiniń múshesi; 2017-2019 jyldary – Qazaqstan Respýblıkasy Parlamentiniń Senaty Qarjy jáne bıýdjet komıtetiniń múshesi.

2019 jyldyń qyrkúıeginen bastap qazirgi ýaqytqa deıin Qazaqstan Respýblıkasy Parlamentiniń Senaty Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy qyzmetin atqaryp keldi.

Budan buryn habarlanǵandaı, búgin QR Parlamenti Senatynyń tóraǵasy laýazymyna Máýlen Áshimbaevtyń kandıdatýrasy maquldandy.

Búgin Senattyń jalpy otyrysynda palata tóraǵasynyń orynbasary bolyp Jaqyp Qajmanuly Asanov saılandy.