Álı Bektaev: Eńbek adamdary qoǵam ómirinde negizgi ról atqarady

NUR-SULTAN.Qaz.Aqparat – Eńbek adamdary qoǵam ómirinde mańyzdy ról atqarady. Bul týraly S.Seıfýllın atyndaǵy QazATÝ-de ótken Eńbek ozattarynyń IV forýmynda «Aýyl» halyqtyq demokratııalyq partııasynyń tóraǵasy Álı Bektaev aıtty, dep habarlaıdy QazAqparat tilshisi

«Aýyl» halyqtyq demokratııalyq patrıottyq partııasy osymen tórtinshi ret Eńbek ozattarynyń forýmyn ótkizip jatyr. Ártúrli salada isteıtin eńbek adamdary qoǵam ómirinde, ekonomıka men memlekettiń damýynda basty ról atqarady. Solardyń arqasynda biz damyp, órkendep jatyrmyz. Sol sebepti «Aýyl» partııasy 4 jyl boıy Táýelsizdik kúni qarsańynda ártúrli salalarda eńbek etip júrgen adamdardy jınap, erekshe kózge túskenderin marpattaıdy», - dedi Á.Bektaev.

Forým barysynda aýyl sharýashylyǵy, bilim berý, densaýlyq saqtaý, ındýstrııa, mádenıet, sport jáne t.b. salalarǵa eńbegi sińgen partııa músheleri memleket jáne mekeme tarapynan marapattaldy.

Esterińizge sala keteıik, «Aýyl» HDPP XVI sezde eńbek adamynyń mártebesin arttyrýǵa, aýyl mamandarynyń dárejesin kóterý, jumysker adamdarǵa oń kózqaras qalyptastyrýǵa arnalǵan «Eńbek adamy – el tiregi» bastamasy týraly habarlady. Bul bastama 2016 jyldan beri ótkiziletin ozattar forýmy kezinde týyndady. 3 jyl ishinde 500-den asa partııa músheleri memlekettik jáne mekeme marapattaryna ıe boldy. Osy jyly 190 partııa múshesi marapatqa usynyldy.

Olardyń ishinde «Qurmet» ordeni, «Shapaǵat» jáne «Eren eńbegi úshin» medaldary, sonymen qatar Prezıdenttiń maqtaý qaǵazy bar.

«Aýyl» partııasy Elbasy Nursultan Nazarbaevtyń «Qoǵamnyń qozǵaýshy kúshi – eńbek adamy» degen qaǵıdasyn tolyǵymen qoldaıdy. Partııanyń pikirinshe, eńbek adamy qoǵamda qurmetke ıe bolýy kerek.