Álı Bektaev: «Aýyl» partııasynyń negizgi maqsaty - Parlamentke ótý
«Aýyl» partııasynyń negizgi maqsaty - Parlamentke ótý. Óıtkeni, bıik minberlerden aýyldyń, aýyldaǵy aǵaıynnyń joǵyn joqtap, máselelerin kóteretin bir saıası kúsh bolýy tıis. Biz ózimizdi sol statýsqa laıyq partııamyz dep senimmen aıta alamyn. Qanshama jyldan beri osy baǵytta eńbek etip kelemiz. Maqtan etetin jetistigimiz de barshylyq. Mysaly, biz geografııalyq aýmaq pen partııa músheleriniń sany jaǵynan Qazaqstan boıynsha aldyńǵy úshtikke kiremiz. Búginde quramymyzda 300 myńǵa jýyq adam, myńnan astam partııalyq uıymymyz bar», -dedi Álı Bektaev partııanyń kezekten tys XVIII sezinde.
Onyń aıtýynsha, partııa aýyl men aýyl sharýashylyǵy máseleleri boıynsha júzdegen usynys berip, 3 myńnan astam is-shara uıymdastyrdy. Sońǵy 5 jylda partııa qatary 52 myń adamǵa tolyqty.
«Aýyl» partııasynyń kadrlyq áleýeti de kúsheıdi. Bizdiń qatarymyzda eńbegimen jetistikke jetken iri kásipker de, qarapaıym sharýa da, aýylsharýashylyq uıymdarynyń, ǵylymı-zertteý ınstıtýttarynyń jetekshileri, qyzmetkerleri, bilikti mamandar, ǵylym doktorlary men qandıdattary da bar. Olardy partııanyń alǵa qoıǵan mindetteri men maqsattaryn júzege asyryp kele jatqan «Aýyldyń» altyn qory» desek te bolady. Elektoratymyzdyń basym bóligi – aýyl turǵyndary. Halyqtyń 42 paıyzyn quraıtyn osynaý úlken áleýmettiń máselesin qozǵaý - bizdiń qasıetti paryzymyz», - dedi partııa tóraǵasy.