Álı Baloevtiń afrıkalyq nokaýtshymen jekpe-jeginiń ýaqyty ataldy
10:21, 13 Tamyz 2021
NUR-SULTAN. QazAqparat – Birinshi aýyr salmaqtaǵy qazaqstandyq boksshy Álı Baloev (10-0, 7KO) kelesi jekpe-jegin 20 tamyzda Dýbaı qalasynda (BAÁ) ótkizedi, dep habarlaıdy QazAqparat VKontakte áleýmettik jelisindegi «Qazaqstannyń kásipqoı boksy» paraqshasyna silteme jasap.
Baloevtiń qarsylasy Kamerýn ókili Rollı Lambert Fogým (11-1-1, 10KO) bolady. Kezdesý 10 raýndqa eseptelgen.
D4G Promotions promoýterlik kompanııasy men MTK Kazakhstan menedjmenti aldaǵy sharanyń resmı afıshasyn usyndy.
Álı Baloev buǵan deıingi sońǵy jekpe-jegin ótken jyldyń tamyz aıynda Almatyda ótkizip, onda tóreshilerdiń biraýyzdan qabyldaǵan sheshimimen Belarýs boksshysy ıÝrıı Byhovtsevti (10-21-3, 5KO) jeńdi.