Álı Ahmedov nokaýtpen jeńilisinen keıin daıyndyqqa qaıta kiristi

NUR-SULTAN. QazAqparat – Ekinshi orta salmaqtaǵy qazaqstandyq boksshy Álı Ahmedov (16-1, 12 KO) kelesi jekpe-jegine daıyndyǵyn jalǵastyrýda, dep habarlaıdy QazAqparat Sports.kz saıtyna silteme jasap.

Instagram Stories-inde Ahmedov sportzalda túsirilgen foto jarııalap, ony «Jumys» degen jazýmen tolyqtyrdy. Qazaqstandyqtyń sharshy alańǵa oralý ýaqyty belgisiz.

Álı Ahmedov sońǵy jekpe-jegin ótken jyldyń jeltoqsanynda AQSh-tyń Florıda shtaty, Gollıvýd qalasynda ótkizdi. Onda óziniń boks mansabynda alǵash ret jeńilis tapty - ekvadorlyq Karlos Gongora (20-0, 15 KO) ekinshi orta sanattaǵy IBO álem chempıonynyń bos tıtýly úshin aıqasta Ahmedovti nokaýtqa jiberdi.

Eske sala keteıik, Álı – Gennadıı Golovkınniń promoýterlik kompanııasy GGG Promotions-tyń boksshysy.