Alǵys aıtý kúninde tatýlyqty tý etken ata-babamyzdy eske alamyz – Novgorodov

ALMATY. QazAqparat - Búgin 1 naýryz – Alǵys aıtý kúninde Qazaqstandaǵy Evangelııalyq-Lıýteran Shirkeýiniń tóraǵasy arhıepıskop ıÝrıı Novgorodov otandastaryn quttyqtady, dep habarlaıdy QazAqparat tilshisi.

«Búgin biz dinı, ulttyq erekshelikterine qaramastan osy jerde tatý tátti ómir súrgen ata babamyzdy eske alamyz. Olardyń bir-birine degen meıirimi, qurmeti, ózara kómegi bizge jarqyn úlgi bolary sózsiz. Bul bizdiń eldiń baılyǵy. Bizdiń tuńǵysh Prezıdentimiz álemdegi dástúrli dinderdiń kóshbasshylarynyń basyn qosyp sezd ótkizgeni belgili. Bul jıynnyń Qazaqstanda ótkeni de zańdylyq. Sebebi, Qazaqstan qanshama ulttyń basyn biriktirip otyr», - dedi ıÝrıı Novgorodov.

Onyń aıtýynsha, byltyr Qazaqstan turǵyndarynyń birligine synaq bolǵan.

«Osy dástúr ótkennen búginge jalǵasyp kele jatqanyna kýámiz. Sebebi, 2020 jyly aýyr synaq boldy. Men medıtsına, polıtsııa, áskerı qyzmetshilerge úlken alǵys aıtamyn. Olar kóptegen otandastarymyzdyń ómiri men densaýlyǵy úshin basyn qaterge tikti. Qazaqstandaǵy Evangelıelik-Lıýteran shirkeýi Qazaqstan azamattarynyń amandyǵy úshin ǵıbadat etetin bolady. Barlyqtaryńyzdy merekemen quttyqtaımyz», - dedi ıÝ.Novgorodov.

Aıta ketýkerek, búgin Qazaqstanda alǵys aıtý kúni toılanyp jatyr.

Ataýly merekemen qazaqstandyqtardy QR Prezıdenti Qasym-Jomart Toqaev quttyqtady.