Alǵys aıtý kúni: Shymkentte sybaǵa úlestirildi

ShYMKENT. QazAqparat - 1 naýryz - Alǵys aıtý kúni merekesi qarsańynda Shymkentte bastalǵan aptalyqtyń birinshi kúni - «Qaıyrymdylyq kúni» retinde atalyp ótýde, dep habarlaıdy QazAqparat tilshisi.

Keshe ótken is-shara aıasynda Shymkent qalalyq Qazaqstan halqy Asssambleıasynyń men túrik etnomádenı birlestigi iri qarany qurbandyqqa shalyp, et pen ulttyq dúnıetanymymyzǵa sáıkes jeti túrli azyq-túlik salynǵan sebetter 40 otbasyǵa sybaǵa retinde úlestiridi.

Igi shara belgili aıtysker aqyn Nurlan Esenqulovtyń qazaq halqynyń ejelden kele jatqan sybaǵanyń qadir-qasıetine arnalǵan arnaýymen bastaý alady. Jıynda sóz alǵan qoǵam qaıratkeri, qalalyq Qazaqstan halqy Assambleıasy janyndaǵy Qoǵamdyq kelisim keńesiniń tóraǵasy Orynbaı Rahmanberdıev, qalalyq túrik etnomádenı birlestiginiń tóraǵasy Latıfsha Asanov ıgi dástúrdiń mán-mańyzyna keńinen toqtaldy.

Halqymyzdyń dástúri negizinde eldiń berekeli birligin saqtap, yntymaǵyn arttyrýdy kózdeıtin mundaı sharalar qalanyń barlyq aýdandary men turǵyn alaptarda uıymdastyryldy.

Eske sala keteıik, 1 naýryz - Alǵys aıtý kúni Shymkent qalasynda ózindik ereksheligimen atalyp ótetindigi týraly jazǵan bolatynbyz.