Alǵys aıtý kúni: Gaaga qalasynda jergilikti halyqqa Abaı kitaptary taratyldy

GAAGA. QazAqparat - Búgin Gaaga qalasynda Qazaq House Foundation Qazaqstannyń Nıderland Koroldigindegi Elshiliginiń qoldaýymen Alǵys aıtý kúnine arnalǵan «Stay warm, drink kazakh tea» is-sharasyn ótkizdi, dep habarlaıdy QazAqparat.

Bul jaıynda elshiliktiń Facebook paraqshasy málimet taratty.

Osy shara aıasynda qala turǵyndaryna ulttyq dástúrdegi ystyq shaı men toqashtar túrindegi táttiler usynyldy.

Kelýshilerge Qazaqstandaǵy Alǵys aıtý kúniniń tarıhy men merekesi týraly aıtyldy jáne olarǵa uly Abaıdyń nıderland tiline aýdarylǵan «Qara sózder» kitaby syıǵa tartyldy.

Alǵys aıtý kúni Qazaqstanda tuńǵysh Prezıdent Nursultan Nazarbaevtyń bastamasymen 1 naýryzda atap ótiledi.

Bul kúni dostyq atmosferasyn quryp, halyqtar birligin nyǵaıta otyryp, etnostardyń bir-birine degen meıirimi, tózimdiligi men qurmeti eske alynady

Qazaqstanda 130-ǵa jýyq ult ókilderi dostyq pen kelisimde ómir súredi.

«Pandemııa kezinde kún sáýlesindeı bolǵan jaǵymdy emotsııalarǵa, energııaǵa jáne kúlimsireýge toly kúndi bizben bóliskenderdiń barlyǵyna zor alǵysymyzdy bildiremiz» deıdi elshilikten.