Alǵys aıtý kúni: Almatyda volonterler qarttarǵa qar tazalaýǵa kómektesti
«Qamqorlyq» aktsııasy aıasynda almatylyq volonterler jalǵyz basty zeınetkerdiń aýlasyn qardan tazalap berdi.
«Búgin - alǵys aıtý kúni. Maǵan kómektesken barlyq jastarǵa alǵys aıtamyn. Sizderge densaýlyq jáne sáttilik tileımin. Kóp-kóp rahmet», - dedi almatylyq zeınetker Olga Chaadaeva.
Uıymdastyrýshylardyń aıtýynsha, bul kún adamı qarym-qatynastyń qundylyǵyn, adaldyqty, paryz ben jaýapkershilikti eske salady.
«Úlkenderge qamqorlyq kórsetý bizdiń basty paryzymyz. Qarttardy syılaý árbir azamattyń mindeti. «Qarty bar el-qazynaly el», demekshi úlkenderdi qurmetteıtin qoǵamnyń ǵana bolashaǵy zor bolatynyn umytpaýymyz kerek», - dedi «Qarlyǵash» bos ýaqyt ótkizý ortalyǵynyń jetekshisi Atyrkúl Saǵyndyqova.
Aıta keteıik, 2015 jyldyń sáýir aıynda QHA 22-shi sessııasy men QHA 20 jyldyǵyn merekeleý kezinde QR Tuńǵysh Prezıdenti – Elbasy Qazaqstanda Alǵys aıtý kúnin atap ótýdi usyndy. Bul kún - barlyq qazaqstandyqtardyń bir-birine degen mahabbaty men dostyǵynyń jarqyn belgisi.