Algebra jáne geometrııa pánderi biriktirile me – mınıstr jaýaby
«Yrysbek Máýit deıtin ǵalym áleýmettik jelide algebra jáne geometrııa pánderin biriktirip oqytý týraly usynys aıtty. Osy usynysqa ne aıtasyz? Nege biz sovet zamanynan qalǵan eski tásilmen sabaq berip kelemiz», - dep surady jýrnalıst.
Mınıstr sala mamandary bul máselede áli bir toqtamǵa kele almaı jatqanyn aıtty.
«Bul dúnıelerdi biz tıisti mamandarmen, sarapshylarmen sheshýimiz kerek. Búgingi tańda ol másele boıynsha úlken talqylaý júrip jatyr. Eki túrli pikir bar. Qosyp oqytaıyq deıtinder de, qospaı oqytaıyq deıtinder de bar. Qazir sarapshylar toby, ǵalymdar, ádiskerler muǵalimder bir sheshimge kelgen kezde ǵana mınıstrlik ony tolyqqandy qýattaıdy. Ázirge ol sarapshylardyń ortaq baılamǵa kelmegenin aıtqym keledi. Qalaı ortaq mámilege keledi, sol sheshim boıynsha jyljımyz», - dedi ol.
Mınıstr ózi matematık bolmaǵandyqtan sol salanyń ǵalymdary aıtqan pikirge qarap sheshim qabyldaıtynyn aıtty.
«Men matematık emespin. Sondyqtan matematıka sarapshylardyń, naǵyz mamandardyń pikirin tyńdaıyq. Solar ne aıtady, sol sheshimmen júremiz», - dedi Ǵanı Beısembaev.
Búgingi Májilis otyrysynda depýtat Edil Jańbyrshın nemeresin balabaqshaǵa berýge qorqatynyn aıtty.