Alǵashqy jartyjyldyqta Qazaqstanda 9,4 myń ınternet-alaıaqtyq qylmysy tirkeldi

ASTANA. QazAqparat – Jyl basynan beri Qazaqstan aýmaǵynda 9 462 ınternet-alaıaqtyq qylmysy tirkeldi. Bul týraly ІІM Krımınaldyq polıtsııa departamenti Kıberqylmysqa qarsy kúres ortalyǵynyń bastyǵy Jandos Súıinbaı aıtty, dep habarlaıdy QazAqparat tilshisi.

«Bıylǵy 6 aıdyń qorytyndysy boıynsha qabyldanǵan sharalar nátıjesinde tirkelgen ınternet-alaıaqtyq qylmystardyń 1,3%-ǵa tómendeýi baıqalady. Atap aıtqanda, olardyń sany 9 585-ten 9 462-ge deıin kemidi. Aýystyrylatyn nómirlerden jasalatyn ınternet-alaıaqtyq 34%-ǵa azaıdy. Sonymen qatar, bıyl mınıstrlik kıberqylmysqa qarsy is-qımyl jónindegi 2023-2025 jyldarǵa arnalǵan vedomstvolyq baǵdarlamany iske asyrýǵa kiristi. Osy baǵdarlama sheńberinde bar problemalarǵa jan-jaqty taldaý júrgizilip, birqatar uıymdastyrýshylyq-praktıkalyq sharalar qabyldanýda», - dep málim etti Jandos Súıinbaı.

Onyń aıtýynsha, Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip, uıaly baılanys operatorlarynyń antıfrod-júıeleriniń derekqorlaryn ıntegratsııalaý jumysy júrgizilgen. ıAǵnı, qabyldanǵan tehnıkalyq sharalar halyqaralyq trafık arqyly ótetin qazaqstandyq abonenttik nómirlerge frod-qońyraýlardy anyqtaýǵa jáne buǵattaýǵa múmkindik berdi.

Osyǵan deıin Іshki ister mınıstri aptap ystyqta kólikpen saparlaýshylarǵa bergen keńes týraly jazdyq.