Alǵashqy bolyp ashyq kosmosqa saqtandyrýsyz shyqqan astronavt dúnıeden ótti
10:35, 23 Jeltoqsan 2017
ASTANA. QazAqparat - Adamzat tarıhynda alǵashqy bolyp ashyq kosmosqa saqtandyrýsyz shyqqan AQSh astronavty Brıýs Makkendless 80 jasynda dúnıeden ótti, dep habarlaıdy Trend NASA-ǵa silteme jasap.
AQSh áskerı teńiz kúshterinde ushqysh bolǵan Brıýs Makkendless, keıin astronavtar qataryna ótedi. Ol eń iri «Habbl» ǵarysh teleskopyn ornatýǵa qatysqan.
Brıýs Makkendless 1984 jyly ǵaryshqa jasaǵan alǵashqy saparynda, NASA arnaıy daıyndap shyǵarǵan MMU qurylǵysyn paıdalandy. Osy arqyly qazir astronavtar ashyq kosmosta erkin qozǵalady.
Makkendlesstiń ǵarysh kemesimen tehnıkalyq baılanyssyz ashyq kosmosta erkin qozǵalý ýaqyty 6 saǵatqa jýyq. Sonymen qatar ol kemeden 90 metrge qashyqtyqqa deıin uzaǵan.