Alǵashqy kezdesýden beri 20 jyl - Tsýkerberg áıelimen qalaı tanysqanyn aıtty

<p>Amerıkalyq alpaýyt Facebook basshysy Mark Tsýkerberg Instagram paraqshasynda jubaıy Prıstsılla Chanmen túsken arhıv sýretimen bólisti. Ol óz jazbasynda áıelin alǵashqy kezdesýge 20 jyl tolýymen quttyqtady, dep habarlaıdy <a href="Kazinform" target="_blank" rel="noopener">Kazinform </a>.</p>

Onda Mark Tsýkerberg áıelimen alǵashqy kezdesýi týraly estelikterimen bólisken.

- Bizdiń alǵashqy kezdesýimizge 20 jyl boldy. Biz dostarymnyń meniń qurmetime ótkizgen qoshtasý keshinde kezdestik. Ol kezde meni áne-mine oqýdan shyǵarady dep oılap júrgen edik. Men ony kezdesýge shaqyryp, kolledjde az ǵana ýaqytym qalǵandyqtan, tez arada bir jerge baryp úlgerip qalýymyz kerektigin aıttym. Keıinirek Facebook-ti qurdym, biz úılendik, qazir bizdiń keremet úsh qyzymyz bar, - dep jazdy ol.

Kásipkerdiń áıeli de Marktyń jazbasyna jaýap jazyp, jas kúnderindegi fotolaryn júktedi.

- Alǵashqy kezdesýimizge 20 jyl boldy. Ol meni áli kúnge deıin qýanyshqa bóleıdi. Qazir bizdiń sońymyzdan 3 kishkentaı hanym erip keledi! – dep jazdy Prıstsılla.

Mark Tsýkerberg pen onyń súıiktisi Prıstsılla Chan toǵyz jyldyq romantıkadan keıin 2012 jyldyń 19 mamyrynda úılendi. Erli-zaıyptylardyń úsh balasy bar.

Buǵan deıin Meta korporatsııasynyń basshysy Mark Tsýkerbergke jattyǵý kezinde alǵan tize jaraqatyna baılanysty ota jasalǵany habarlanǵan bolatyn.