Alǵash ret daýys bergen kókshetaýlyq stýdentter syılyq aldy

KÓKShETAÝ. QazAqparat - Kókshetaý qalasynyń №19 saılaý ýchaskesinde Sh.Ýálıhanov atyndaǵy Kókshetaý ýnıversıtetiniń stýdenti Samal Saparova jáne atalmysh ýnıversıtet janyndaǵy kolledj stýdenti Aıaýlym Esilámbek daýys berdi. Olarǵa daýys berýge alǵash ret qatysqany úshin estelik syılyq tabystaldy, dep habarlaıdy QazAqparat tilshisi.

Stýdent qyzdar úlken jaýapkershilikti sezinip turǵanyn jáne ózderiniń keleshegi úshin tańdaý jasaǵanyn maqtanyshpen aıtady.

«Saılaýda alǵash ret daýys berip otyrmyz. Keleshek úshin úles qosyp otyrǵanymyzdy maqtan tutamyz. Elimizde tynyshtyq, beıbitshilik bolsyn», - deıdi stýdent qyzdar.

Atalmysh №19 saılaý ýchaskesinde barlyǵy 2181 elektorat tirkelgen. Eki adam syrttaı daýys berdi. Óz kezeginde saılaý kúnine deıin 11 adam esepten shyǵarý talondaryn aldy. Olar ózderiniń saılaý quqyǵyn paıdalana otyryp, Qazaqstannyń basqa óńirlerinde daýys bere alady.

Aqmola oblystyq saılaý komıssııasynyń málimetinshe, óńirde kelýshiler sany - 21,21 paıyzdy qurady.