Alǵash ret daýys bergen kókshetaýlyq boıjetken estelik syılyq aldy

KÓKShETAÝ. QazAqparat – Kókshetaý qalasynyń turǵyny 19 jastaǵy Zarına Іrgebekova ózi tirkelgen №729 referendým ýchaskesinde daýys berdi. Oǵan daýys berý naýqanyna alǵash ret qatysqany úshin estelik syılyq tabystaldy, dep habarlaıdy QazAqparat tilshisi.

«Men alǵash ret referendýmǵa qatysyp otyrmyn. Keleshek úshin úles qosyp otyrǵanymdy maqtan tutamyn. Elimizde tynyshtyq, beıbitshilik bolsyn», - deıdi ol.

Bul referendým ýchaskesi Kókshetaý qalalyq qurylys-tehnıkalyq kolledjinde ornalasqan. Ýchaskelik referendým komıssııasynyń tóraıymy Anar Sádýaqasovanyń aıtýynsha, munda barlyǵy 2 570 daýys berýshi tirkelgen. Saǵat 11:00-degi jaǵdaı boıynsha 187 adam daýys bergen.

Aqmola oblystyq referendým komıssııasynyń málimetinshe, oblysta barlyǵy 718 referendým ýchaskesi, 507 447 daýys berýshi tirkelgen.

Aıta ketsek, ortalyq referendým komıssııasynyń hatshysy Muhtar Erman málim etkendeı, daýys berý 9 964 ýchaskede ótip jatyr.