Alǵash ret aıǵa jeke ǵarysh kemesi ushyryldy

<p>ASTANA. KAZINFORM &ndash; AQSh-tyń Intuitive Machines aeroǵaryshtyq kompanııasy jasaǵan Aıǵa qoný apparaty 15 aqpanda NASA-nyń Kanaveral múıisindegi Kennedı ǵarysh ortalyǵynan kóterildi. Bul týraly&nbsp; <a href="https://www.golosameriki.com/a/private-us-/7488542.html%C2%A0" target="_blank" rel="noopener">&laquo;Amerıka daýysy&raquo;</a> jazdy.&nbsp;</p>

Bul jarty ǵasyrdan astam ýaqyttan beri Aıǵa qonǵan alǵashqy amerıkandyq ǵarysh kemesi jáne jeke kompanııaǵa tıesili tarıhtaǵy tuńǵysh ǵarysh kemesi bolady dep kútilýde.

Odyssey dep atalatyn Nova-C qondyrǵyshy jergilikti ýaqyt boıynsha tańǵy saǵat 1-de (Astana ýaqyty boıynsha 12-de) Ilon Masktyń SpaceX kompanııasy jasaǵan Falcon 9 zymyranynyń bortynda ǵaryshqa ushyp ketti.

Bıiktigi 25 qabatty ǵımarattyń bıiktigindeı eki satyly zymyrannyń ushyrý alańynan kóterilip, Florıdanyń Atlant muhıty jaǵalaýynda qarańǵy aspanǵa ushyp bara jatqanyn NASA men SpaceX tikeleı efırden kórsetti.

Bastapqyda ushyrý 14 aqpanǵa josparlanǵan bolatyn, biraq qurylǵynyń qozǵaltqysh júıesinde qoldanylatyn suıyq metannyń qalypty temperatýrasyna baılanysty ol 24 saǵatqa keshiktirildi.

SpaceX bul másele keıinirek sheshilgenin habarlady.