Alfardtan kelgen ajal – Ákimshilik polıtsııa bastyǵy Aqtóbedegi qaıǵyly jaıttyń sebebin aıtty

<p>ASTANA. KAZINFORM &ndash; Іshki ister mınıstrligi InDriver, ıAndeks kompanııalary taksı júrgizýshileriniń demalys rejımin saqtaýdy mindettemekshi. Ortalyq kommýnıkatsııalar qyzmetinde ótken brıfıngide Ákimshilik polıtsııa komıtetiniń tóraǵasy Qaısar Sultanbaev osyndaı málimet aıtty.</p>

ІІM ókili InDriver, ıAndeks qosymshalary arqyly jolaýshy tasymaldaıtyn azamattardyń kólik apatyna jıi sebepshi bolatynyn aıtady. 

«Olar jolda uıqysyz jáne demalyssyz júredi. Kúndelikti medıtsınalyq tekserýden ótpeıdi, kóliktiń tehnıkalyq jaǵdaıyn teksermeıdi. Biz olardy toqtatamyz, eskertemiz, biraq bul sharalar tıisti nátıje bermeıdi», - degen ol sózine naqty mysal da keltirdi.

«Ótken aıda, Aqtóbe oblysynda bizdiń qyzmetkerler kúndiz «Alfard» kóligin toqtatyp, jol erejelerin saqtaý qajettigin eskertken. Alaıda, biraz ýaqyttan keıin júrgizýshi aýdarylyp, saldarynan 4 adam qaza taýyp, 1 adam aýrýhanaǵa tústi.

Kólik mınıstrligimen birlesip ınternet-agregatorlarmen memorandým jasaldy. Endi júrgizýshilerge, olardyń eńbek jáne demalys rejımin saqtaýyna, kóliktiń belgilengen qaǵıdalarǵa sáıkes bolýyna qoıylatyn talaptar kúsheıtiledi», - dedi Qaısar Sultanbaev.