Áleýmettik jelilerdegi reıtıngi úshin jol erejelerin buzatyndar bar – ІІM

<p>ASTANA. KAZINFORM &ndash; Іshki ister mınıstrliginiń resmı ókili Shyńǵys Alekeshev jol erejelerin ádeıilep buzatyn júrgizýshilerge qatysty pikir bildirdi.</p>

«Júrgizýshilerdiń jol erejelerin saqtaýy qaýipsizdikti qamtamasyz etýdiń negizi. Cońǵy ýaqytta áleýmettik jelilerde júrgizýshilerdiń zańdy óreskel buza otyryp, kólik aıdaǵany týraly vıdeolar jıi taraýda. Olar muny qaralym jınap, reıtıng kóterý úshin jasaıdy. Bıyl 8 aıda áleýmettik jelilerde 80-nen astam osyndaı beınejazba anyqtaldy. Barlyq quqyq buzýshy jaýapqa tartyldy», - dedi Shyńǵys Alekeshev vedomstvoda onlaın ótken baspasóz máslıhatynda.

Sondaı-aq, ІІM ókili kólikti joǵary jyldamdyqpen júrgizýdiń qaýipti ekenin eske saldy.

«Jyl basynan beri polıtsııa 495 myń shaqyrym joldy qamtıtyn kóshe-jol jelisine 32 myń tekserý júrgizdi. Jol qaýipsizdigin tekserý barysynda 57 myńnan astam aqaý anyqtalyp, onyń qorytyndysy boıynsha 31 myń uıǵarym shyǵaryldy. Anyqtalǵan kemshilikterdi joıý boıynsha jergilikti atqarýshy organdar men jolǵa jaýapty uıymdarǵa 4,5 myń aqparat joldandy. Sonymen qatar avtokólik joldaryn kútip ustaý jónindegi talaptardy buzǵan 4 myńnan astam laýazymdy jáne zańdy tulǵa jaýapqa tartyldy», - deıdi ol.