Áleýmettik jeli arqyly zorlyq-zombylyq ıdeologııasyn nasıhattaǵan 6 adam ustaldy – UQK

<p>ASTANA. KAZINFORM &mdash; Ulttyq qaýipsizdik komıteti destrýktıvti dinı aǵymnyń jaqtaýshylary bolyp tabylatyn Qazaqstannyń 5 azamaty men 1 sheteldik ustady.</p>

Olarǵa óshpendilik pen zorlyq-zombylyq ıdeologııasyn áleýmettik jeliler jáne basqa da joldarmen taratty degen kúdik keltirilip otyr..

QR Ulttyq qaýipsizdik komıteti baspasóz qyzmetiniń málimetterine qaraǵanda, ustalǵan adamdardan zattaı dálelder tabyldy jáne alyndy, onyń ishinde 3 granata bar.

Kúdiktilerdiń ekeýi buǵan deıin tonaý jáne urlyq áreketteri úshin sottalǵan.

Foto: QR UQK baspasóz qyzmeti

Ustalǵan adamdarǵa qatysty Qylmystyq kodekstiń 256-baby boıynsha sotqa deıingi tergep-tekserý júrgizilýde.

Qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıdy.

«Bıylǵy tamyzda Ulttyq qaýipsizdik komıteti prokýratýranyń úılestirýimen jáne polıtsııanyń kómegimen Almaty qalasynda, Qaraǵandy, Túrkistan, Ulytaý oblystarynda terrorızmge qarsy is-sharalar ótkizdi»,-dep habarlady QR UQK baspasóz qyzmeti.

Foto: QR UQK baspasóz qyzmeti