Áleýmettik qorǵaý ınspektory nemen aınalysady

<p>ASTANA. KAZINFORM &mdash; Jyl basynan beri Qazaqstannyń barlyq óńirinde memlekettik áleýmettik qorǵaý ınspektorlary 2 126 tekserý júrgizdi. Onyń 528-i profılaktıkalyq baqylaý sheńberinde, 511-i jospardan tys, 1087-si prokýratýranyń talaby boıynsha.&nbsp;</p>

Memlekettik baqylaýmen: ákimdikter — 159, jergilikti atqarýshy organ bólimderi men basqarmalary — 98, memlekettik mekemeler — 67, arnaýly áleýmettik qyzmet kórsetý ortalyqtary — 74, ońaltý ortalyqtary — 6, aýrýhanalar, emhanalar — 85, stomalogııalar — 3, sanatorııler — 4, balabaqshalar — 407, mektepter — 927, kolledjder, lıtseıler — 72, dúkender — 18, saýda úıleri — 26, bank fılıaldary — 6, «Qazposhta» AQ fılıaldary — 7, polıtsııa bólimsheleri — 9, mádenıet úıleri — 15, muraǵattar, murajaılar — 13, kafeler, meıramhanalar, qonaq úıler — 16, notarıýstar — 2, avtobýs parkteri, avto jáne temirjol vokzaldary, áýejaılar — 8, JK — 46, kitaphanalar — 4, BJSM, sport mektepteri — 13 jáne basqalar qamtyldy.

Máselen, Eńbek jáne áleýmettik qorǵaý komıtetiniń Almaty  boıynsha departamenti múgedektigi bar adamnyń ótinishimen azyq-túlik dúkenine jospardan tys tekserý júrgizdi.

Tekserý nátıjesi boıynsha kásipkerlik sýbektisine aıyppul salyndy, sondaı-aq anyqtalǵan buzýshylyqtardy joıý jóninde nusqama engizildi.

Sonymen qatar, óńirlerdegi áleýmettik ınspektorlar múgedektigi bar adamdardyń zańdy quqyǵyn qamtamasyz etý úshin áleýmettik ınfraqurylym obektilerin beıimdeý isinde oń dınamıka bar ekenin atap ótti.

Máselen, múgedektigi bar azamat Ergen Bekarystanovtyń aıtýynsha, Oral qalasynda erekshe qajettiligi bar adamdarǵa birshama jaǵdaı jasalyp jatyr. 

«Kırov saıabaǵynda trotýardyń boıynda kórý qabileti nashar adamdarǵa arnalǵan taktıldi baǵyttaǵyshtar ornatyldy, qala boıynsha bankterge, sýpermarketterge, kafelerge kirý múmkindigi qamtamasyz etildi. Atap aıtqanda, múgedektigi bar adamdarǵa arnalǵan turaq oryndary, pandýstar men kirý toptary standartqa sáıkes keledi, jalpy qala boıynsha ınfraqurylym obektilerin qoljetimdilik normalaryna sáıkes keltirý boıynsha jumys júrip jatyr. Buǵan men óte qýanyshtymyn», — deıdi Ergen Bekarystanov.

Esterińizge sala keteıik, 2023 jylǵy 1 shildede Áleýmettik kodeks kúshine engen kezden bastap elimizde memlekettik áleýmettik qorǵaý ınspektorlarynyń ınstıtýty engizildi.

Olardyń quzyretine múgedektigi bar adamdardy áleýmettik qorǵaý, arnaýly áleýmettik qyzmet kórsetý jáne áleýmettik qamsyzdandyrý salasyndaǵy zańnamanyń saqtalýyn baqylaý kiredi.