Áleýmettik qoldaý memlekettiń qarjylyq múmkindigine qaraı beriledi – Tamara Dúısenova

<p>Áleýmettik qoldaý memlekettiń qarjylyq múmkindigine qaraı beriledi. Bul týraly Premer-Mınıstrdiń orynbasary Tamara Dúısenova aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Jibek Joly telearnasynyń «Ýáde» baǵdarlamasyna bergen suhbatynda vıtse-premer áleýmettik qoldaýdyń túrlerine toqtaldy.

«Birinshi — áleýmettik qamsyzdandyrý. Eger azamat táýekelge tap bolsa, onda onyń buryn alyp júrgen tabysyn tolyq qamtamasyz etýimiz kerek. Máselen, azamat jumys istep júrip, 100 paıyz múgedek bolsa, onda onyń buryn alyp júrgen aılyǵyn 100 paıyz tóleýimiz kerek. Eger 2, 3-top múgedegi bolsa, onda sol toptarǵa sáıkes beriledi. Ekinshisi — áleýmettik járdemaqy. Áleýmettik járdemaqy kómek retinde beriledi. Ataýly áleýmettik kómekti alaıyq. Bul kómek memlekettiń qarjylyq múmkindigine qaraı taǵaıyndalady. Eger memlekettiń qarjylyq múmkindigi táýir bolsa, qandaı da bir kómek kórsete alady», — dedi Tamara Dúısenova.

Máselen, onyń aıtýynsha, Reseıde naqty soma kórsetilgen. Tek sol somany ǵana berip otyrady.

«Al biz memleket tarapynan azamatqa beriletin qosymsha kómek bolǵandyqtan aılyq eseptik kórsetkishti qarastyrdyq. AEK jyl saıyn ınflıatsııa deńgeıinde ósip otyrady. Áleýmettik qamsyzdandyrý jáne áleýmettik qoldaý júıesi bar. Áleýmettik qamsyzdandyrý memleket tarapynan kepildendirilgen. Al áleýmettik qoldaý memlekettiń qarjylyq múmkindigine qaraı beriledi», — dedi ol.