Áleýmettik-eńbek salasyndaǵy memlekettik qyzmetterdiń 90%-y elektrondy túrde kórsetildi

<p>ASTANA. KAZINFORM &ndash; 2024 jyldyń birinshi jartyjyldyǵynyń qorytyndysy boıynsha qazaqstandyqtarǵa áleýmettik-eńbek salasynda 16,5 mln ret túrli memlekettik qyzmet kórsetildi, onyń 15 mln-y nemese 90,75% - y elektrondyq formatta boldy. Onyń 818 myńy proaktıvti túrde kórsetildi.</p>

Eńbek jáne halyqty áleýmettik qorǵaý mınıstrliginen jazǵandaı, áleýmettik-eńbek salasyndaǵy memlekettik kórsetiletin qyzmetter tizilimine sáıkes memlekettik kórsetiletin qyzmetterdiń 51 túri kózdelgen, onyń ishinde 48 túri elektrondyq túrde («Elektrondyq úkimet» portaly, EGOV mobile mobıldik qosymshalary jáne ekinshi deńgeıdegi bankter (budan ári – EDB) arqyly) kórsetiledi, onyń ishinde 28 qyzmet proaktıvti formatta qoljetimdi.

QR Eńbek jáne halyqty áleýmettik qorǵaý mınıstrligi memlekettik qyzmet kórsetý tásilderin keńeıtý boıynsha turaqty negizde jumystar júrgizýde.

Máselen, bıyl «Elektrondyq úkimet» portalynda «Jergilikti ókildi organdardyń sheshimderi boıynsha muqtaj azamattardyń jekelegen sanattaryna áleýmettik kómek taǵaıyndaý» memlekettik qyzmeti avtomattandyryldy (osy qyzmettiń 3 kishi túri).

Sondaı-aq bıyl EDB mobıldi qosymshalary arqyly «Memlekettik ataýly áleýmettik kómek taǵaıyndaý» memlekettik qyzmeti iske asyryldy. Osylaısha, qazirgi ýaqytta EDB mobıldi qosymshalaryna áleýmettik-eńbek salasynyń 10 tanymal qyzmeti biriktirilgen.

Budan basqa, «Múgedektigi bar balalardy úıde oqytýǵa jumsalatyn shyǵyndardy óteý» memlekettik qyzmeti proaktıvti formatqa shyǵaryldy.

Memlekettik qyzmet kórsetý úderisterin ońtaılandyrý baǵyttarynyń biri – sheshim qabyldaý kezinde adamı faktordy alyp tastaý jáne qyzmet kórsetý merzimin qysqartý.

Memlekettik qyzmetterdi transformatsııalaý jáne reınjınırıng sheńberinde jyl basynan beri proaktıvti qyzmet kórsetý kezinde 4 memlekettik kórsetiletin qyzmet avtomattandyryldy: «Altyn alqa», «Kúmis alqa» alqalarymen nagradtalǵan nemese buryn «Batyr ana» ataǵyn alǵan, I jáne II dárejeli «Ana dańqy» ordenderimen nagradtalǵan kópbalaly analarǵa memlekettik járdemaqy taǵaıyndaý», «Múgedektigi boıynsha memlekettik áleýmettik járdemaqy taǵaıyndaý», «Jerleýge beriletin birjolǵy tólem taǵaıyndaý», «Arnaýly memlekettik járdemaqy taǵaıyndaý» (1, 2, 3-toptaǵy múgedektigi bar adamdarǵa). Osylaısha, bul qyzmetter adamnyń qatysýynsyz avtomatty túrde aqparattyq júıemen kórsetiledi, bul járdemaqy taǵaıyndaý týraly sheshim qabyldaý merzimin 8-den 1 jumys kúnine deıin qysqartýǵa múmkindik berdi.

Basqa qyzmetter boıynsha kórsetý tártibi de jeńildetildi – algorıtmnen «Azamattarǵa arnalǵan úkimet» memlekettik korporatsııasy» KEAQ qyzmetkerleriniń ótinishti qaraýy alyp tastaldy. Bul sonymen qatar qyzmet kórsetý merzimine oń áser etip, ony 8-den 4 jumys kúnine deıin qysqartty.

Sonymen qatar, halyqty jumyspen qamtýǵa baılanysty qyzmetter («Jumys izdep júrgen adamdardy tirkeý», «Jumyssyzdardy tirkeý», «Jumysynan aıyrylý jaǵdaıy boıynsha áleýmettik tólem taǵaıyndaý») «Elektrondyq eńbek bırjasy» (enbek.kz) platformasynda iske asyryldy.