Áleýmettik ámııanǵa memlekettik qoldaýdyń barlyq túri kiredi

<p>ASTANA. KAZINFORM &ndash; Premer-Mınıstrdiń orynbasary Tamara Dúısenova Prezıdenttiń jańa Joldaýy aıasynda halyqqa kórsetiletin áleýmettik qoldaýlar týraly aıtty.&nbsp;</p>

«Memleket basshysy áleýmettik qoldaý júıesiniń tıimdiligin arttyrýdy tapsyrdy. Bul maqsatta otbasynyń tsıfrlyq kartasyndaǵy málimetke saı shuǵyl jáne daǵdarys sanattaryna jatqyzylǵan otbasylar sanyn azaıtý jónindegi jumystar jalǵasady. Ózderińiz biletindeı, bul shara ár otbasymen jekeleı jumys istep, olardyń múmkindigine qaraı meıilinshe ońtaıly memlekettik qoldaý túrlerin usynýǵa baǵyttalǵan», - dedi Tamara Dúısenova Úkimet otyrysynda.

Odan ári vıtse-premer áleýmettik ámııan jobasyna toqtaldy.

«Onda ár otbasyǵa áleýmettik mártebesine qaraı usynylatyn barlyq memlekettik qoldaý túrleri bolady. Sondaı-aq, qoldaýdyń naqty berilý faktisi negizinde memleket tarapynan kórsetilgen kómek somasy da kórsetiledi. Bul sharalardy júzege asyrý tıisti zańnamalarǵa ózgerister engizýdi talap etedi. Eńbek jáne halyqty áleýmettik qoldaý mınıstrligi múddeli memlekettik organdarmen birlese otyryp jyl sońyna deıin normatıvtik-quqyqtyq aktilerdi qabyldaıdy», - deıdi T. Dúısenova.

Aıta ketsek, keshe Memleket basshysy halyqqa Joldaýynda Úkimetke aldaǵy jyldyń basynan bastap «Áleýmettik ámııan» jobasyn júzege asyrýdy tapsyrǵan edi.