Áleýmettik jelilerde jalǵan habar taratqan 43 sheteldik akkaýnt anyqtaldy

NUR-SULTAN. QazAqparat – Áleýmettik jelilerde jalǵan habarlama taratatyn 43 sheteldik akkaýnt anyqtaldy. Bul týraly ІІM tergeý departamentiniń bastyǵy Sanjar Ádilov aıtty, dep habarlaıdy QazAqparat tilshisi.

«Qańtardaǵy qaıǵyly oqıǵalardan keıin el azamattarynyń qoǵamdyq sanasyn baqylaý úshin aqparattyq soǵys bastaldy. Resmı organdardyń eskertýlerine qaramastan, áleýmettik jeliler arqyly, onyń ishinde quqyq qorǵaý organdary qyzmeti týraly kórineý jalǵan aqparat taratý jaǵdaılary jıilep ketti. Bul aqparattyq shabýyldardyń túpki maqsaty - quqyq qorǵaý organdarynyń bedelin túsirý ǵana emes, sondaı-aq Qazaqstan Respýblıkasynyń memlekettik júıesin turaqsyzdandyrý», - dedi ol ortalyq kommýnıkatsııalar qyzmetindegi brıfıng barysynda.

Onyń atap ótýinshe, aqparattyq shabýyldyń negizgi bóligi elden tys jerlerden taratylady.

«Búginde áleýmettik jelilerde shetelde tirkelgen 43 akkaýnt anyqtaldy. Kórineý jalǵan aqparatty taratýdyń barlyq derekteri boıynsha kinálilerdi zańmen belgilengen tártippen jaýapkershilikke tartý sharalary qoldanylyp jatyr»,- dedi Sanjar Ádilov.