Áleýmettik jelilerde ýlanǵan maskalar týraly feık taratylýda

NUR-SULTAN. QazAqparat - Áleýmettik jeliler men messendjerlerde qazaqstandyqtar esikti qaǵyp, ózderin bılik ókilderi retinde tanystyryp, tegin maskalar taratyp júrgen adamdar týraly eskertý aıtylýda. Bul habarlamalardyń avtorlarynyń aıtýynsha, qorǵanys quraldaryna ýly hımıkattar sińirilgen, ony taqqan adam esin joǵaltady, al qaskúnemder bolsa, onyń úıin tonaıdy, dep habarlaıdy stopfake.kz.

Bul feık Internette jarty jyldan beri júr. Mundaı alǵashqy habarlamalar sáýir aıynda AQSh-ta Nıý-Djersıde taraǵan. Táýelsiz faktchekerler men shtat polıtsııasy bul aqparatty birden joqqa shyǵardy . Sondaı-aq ony Facebok jáne Twitter áleýmettik jelilerinen óshirdi.

Al maýsym aıynda Ulybrıtanııa, Irlandııa, AQSh, Germanııa, Ońtústik Afrıka, Ispanııa, Úndistan jáne Sıngapýr elderiniń jeli qoldanýshylary uqsas habarlamalar jibere bastady. Barlyq atalǵan elderdiń polıtsııasy mundaı qylmystardyń oryn alǵanyna eshqandaı dálel joq dep qaýesetti joqqa shyǵardy.

Taǵy biraz ýaqyt ótken soń ýlanǵan maskalar taratatyn tonaýshylar týraly habarlamalar Internettiń orys tildi segmentinde – Reseıdiń túrli aımaqtarynda, atap aıtqanda, Mordovııa men ıAkýtııada paıda boldy. Qazir bul feık Qyrǵyzstan men Qazaqstanda tanymal. Eshbir elde bul qylmystar rastalǵan joq.