Áleýmettik jelilerde depressııa belgilerin anyqtaıtyn jasandy ıntellektini paıdalaný qajet – mınıstrlik

NUR-SULTAN. QazAqparat - Áleýmettik jelilerdegi jarııalanymdardan depressııa belgilerin anyqtaıtyn jasandy ıntellektini paıdalaný qajet. Oqý-aǵartý mınıstrliginiń ókili Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń otyrysynda osyndaı usynys bildirdi, dep habarlaıdy QazAqparat.

Kún tártibindegi negizgi máselelerdiń biri – kámeletke tolmaǵandar arasynda sýıtsıdtiń aldyn alý. Ulttyq komıssııanyń tóraıymy, Prezıdent Ákimshiligi basshysynyń orynbasary Aıda Balaeva balalar men jasóspirimder arasyndaǵy sýıtsıd – qoǵamdaǵy eń ózekti áleýmettik problemanyń biri bolyp otyrǵanyn atap ótti. Aldyn alý sharalary keshenin qalyptastyrýdyń jańa tásilderin izdeý qajettigine toqtaldy.

Kóptegen sarapshylardyń pikirinshe, sýıtsıdtiń kóbeıýine psıhologtardyń, táýekel tobyndaǵy balalarmen jumys jasaıtyn mamandardyń biliktiligi men daıyndyq deńgeıiniń jetkiliksizdigi yqpal etedi. Osyǵan baılanysty Oqý-aǵartý mınıstrligi memlekettik vedomstvolardyń, jergilikti atqarýshy organdardyń jáne barlyq steıkholderlerdiń problemalardy sheshýdegi kúsh-jigerin biriktirýdi usyndy.

«Mınıstrlik áleýmettik jelilerdiń ashyq jarııalanymdarynda depressııanyń belgilerin anyqtaıtyn jasandy ıntellektini paıdalanatyn pılottyq jobany iske qosýdy josparlap otyr», - dep atap ótti Oqý-aǵartý vıtse-mınıstri Ǵanı Beısembaev.

Otyrysta Memleket basshysynyń tapsyrmasy aıasynda alǵash ret Balany qýdalaýdyń (býllıngtiń) aldyn alý qaǵıdalary ázirlenip, ınternet jelisindegi zańsyz kontentke qarsy is-qımyl jónindegi normalar engizilgeni atalyp ótti. Balalar amandyǵynyń ındeksi qabyldandy, ol balalardyń quqyqtary men múddelerine, onyń ishinde psıhologııalyq saýlyǵyna júıeli monıtorıng júrgizýge múmkindik beredi.

Bas prokýrordyń orynbasary Jandos Ómirálıev óz baıandamasynda kámeletke tolmaǵandardyń sýıtsıdteri jónindegi isterdi tergeýdi qadaǵalaý kúsheıtilgenin atap ótti. Bul birinshi jarty jylda óz-ózine qol jumsaý jaǵdaılarynyń (38,1%-ǵa) jáne olardyń áreketteriniń (5,7%-ǵa) tómendeýine yqpal etken. Aıta ketsek, 2021 jyly kámeletke tolmaǵandar arasynda sýıtsıd jasaý men ony jasaýǵa árekettený jaǵdaılarynyń 21,5%-ǵa óskeni baıqalǵan.

Іshki ister mınıstrligi Ákimshilik polıtsııa komıtetiniń tóraǵasy Atyǵaı Arystanov bilim berý uıymdarynda kámeletke tolmaǵandar arasynda sýıtsıdtik kórinisterdi erte anyqtaý ádistemesin jetildirýdi, sondaı-aq sýıtsıdologtardyń sanyn arttyrý máselesin qarastyrýdy usyndy.

Ulttyq komıssııanyń múshesi, advokat, «AU» onlaın-quqyqtyq mektebiniń negizin qalaýshy Aıman Omarova bastaýysh synyptarda «Meniń qaýipsizdigim» pánin, al ata-analar men muǵalimder úshin arnaıy baǵdarlamalar engizýdi usyndy.

Sondaı-aq, spıkerler dıagnostıkalyq jáne psıhoterapııalyq qyzmetter kórsetetin medıtsınalyq kabınetter jelisin keńeıtýdi, jergilikti atqarýshy organdarǵa bilim berý uıymdarynyń qyzmetin baǵalaýdyń krıterıılerin psıhologtardyń tıimdi qyzmetine áser etetindeı etip qaıta qaraýdy usyndy.