Áleýmettik jelige ekstremıstik vıdeo júktegen elordalyqqa aıyppul salyndy
Nur-Sultan qalasy polıtsııa departamentiniń qyzmetkerleri áleýmettik jelidegi paraqshasynda dinı mazmundaǵy vıdeo jáne aýdıo dáristi ornalastyrǵan 37 jastaǵy áıeldi anyqtady.
QR Bas prokýratýrasy Quqyqtyq statıstıkasy jáne arnaıy esepke alý jónindegi komıtetiniń saraptamasy boıynsha dárister Qazaqstan aýmaǵyna ákelýge, basyp shyǵarýǵa jáne taratýǵa tyıym salynǵan lańkestik mazmúndaǵy materıaldar bolyp tanylǵan.
Áıelge qatysty QR Ákimshilik quqyqbuzýshylyqtar týraly kodeksiniń 453-baby («Qazaqstan Respýblıkasy aýmaǵynda buqaralyq aqparat quraldary ónimderin, jáne ózge de ónimderdi daıyndaý, saqtaý, kirgizý, tasymaldaý, taratý») boıynsha ákimshilik is qozǵaldy. Mamandandyrylǵan ákimshilik sottyń qaýlysymen áıelge 20 AEK (55 560 teńge) kóleminde aıyppul salyndy.