Áleýmettik jelidegi sózderi úshin 16 qazaqstandyq abaqtyǵa jabyldy

ASTANA.  QazAqparat - Jyl basynan beri 20 qazaqstandyq áleýmettik jelidegi sózderi úshin sotqa tartyldy. Olardyń 16-sy bas bostandyǵynan aıyryldy, dep habarlaıdy QazAqparat QR Bas prokýratýrasyna silteme jasap.

Quqyqtyq statıstıka jáne arnaıy esepke alý komıtetiniń QazAqparatqa jibergen derekterine sáıkes, 1 quqyq buzýshy Qazaqstannyń ýnıtarlyǵy men tutastyǵyn buzýǵa shaqyrǵany úshin 5 jylǵa túrmege jabylǵan. Taǵy 15 azamat Qylmystyq kodekstiń 256-baby boıynsha sottalǵan. Olar terrorızmdi nasıhattap, terakt jasaýǵa shaqyrǵandary úshin aıypty dep tanylyp, 2 jyldan 9 jylǵa deıin  abaqtyǵa qamalǵan.

Taǵy eki zań buzýshynyń QR QK 174-baby - áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý boıynsha bas bostandyqtary shektelgen.

Áleýmettik jelide bılik ókilin balaǵattaǵan bir qazaqstandyq shamamen 227 myń teńge aıyppul tólegen.