Áleýmettik jelide jylý mekemesiniń baqylaýshysyn balaǵattaǵan aqtóbelikke aıyppul salyndy
Aqtóbe turǵyny «Transenergo» AQ baqylaýshysyn áleýmettik jeli arqyly balaǵattap, onyń ar-namysyna tıetin sózder jazǵan. Jumysshysyna beıjaı qaramaǵan kommýnaldyq mekeme polıtsııaǵa aryz jazyp, áleýmettik jeli arqyly habarlama qaldyrǵan adamnyń aty-jóni men mekenjaıyn taýyp aldy. Keıin qalalyq sotqa talap aryz túsirip, 100 myń teńge moraldyq shyǵyp talap etti. Alaıda jaýapker jumyssyz ekendigin aıtyp aqtalyp, mekeme jumysshylarynyń aldynda keshirim surady.
«Jaýapker men talapker bitimge keldi. Zań boıynsha 5 AEK kóleminde aıyppul salyndy. Bir eskerte ketetin jaıt, áleýmettik jeli arqyly balaǵat sóz aıtqan adam zań aldynda jaýap beredi. Jasyryn atpen tirkelgen adam da tabylady. Qazirgi kezde aqtóbelik kommýnaldyq mekemeler arasynda birinshi bolyp biz óz tarapymyzǵa aıtylǵan balaǵat sózder úshin sotqa aryz túsirdik. Ár sózge abaı bolýdy eskertemiz», - dedi mekeme zańgeri Ásel Baımenshına.