Áleýmettik jelide jalǵan aqparat taratqan atyraýlyq 100 saǵat kóshe sypyrady
Atyraý oblystyq sotynyń qylmystyq ister jónindegi sot alqasynda telekommýnıkatsııa jelilerin paıdalanyp, qoǵamdyq tártipti buzý qaýpin týǵyzatyn kórineý jalǵan aqparat taratqan jergilikti belsendige qatysty qylmystyq is qaraldy.
Bul qylmystyq is QR Qylmystyq kodeksiniń 274-babynyń 2-bóliginiń 3-tarmaǵymen tergelgen.
«Birinshi satydaǵy sottyń úkimimen D. 2022 jylǵy 3 shildede óz páterinde A. S. atymen tirkelgen Facebook áleýmettik qosymshasynyń kómegimen uıaly telefon arqyly qoǵamdyq tártipti buzý qaýpin týǵyzatyn kórineý jalǵan, shyndyqqa sáıkes kelmeıtin aqparatty taratqan. Ol Qaraqalpaqstan Respýblıkasyna mıtıngterdi basý úshin Qazaqstan áskerleri jiberilgenin, ásker jiberilgen jaǵdaıda jappaı narazylyq uıymdastyrýǵa shaqyrǵan beınerolıkti júktegen. Sot úkimimen D. kináli dep tanylyp, oǵan 100 saǵat merzimge májbúrli eńbekke tarta otyryp, 1 jyl merzimge bas bostandyǵyn shekteý túrindegi jaza taǵaıyndalǵan edi», -dep habarlady oblystyq sottyń baspasóz qyzmeti.
Іs apellıatsııada sot úkiminiń kúshin joıyp, aqtaý úkimin shyǵarýdy suraǵan sottalýshynyń jáne onyń qorǵaýshysynyń apellıatsııalyq şaǵymdary boıynsha qaraldy.
«Sot úkimin ózgertýge nemese onyń kúshin joıýǵa negiz bolmady. Sol sebepten qylmystyq ister jónindegi sot alqasynyń qaýlysymen birinshi satyda sottyń úkimi ózgerissiz, apellıatsııalyq shaǵym qanaǵattandyrylmady», -dep málim etti baspasóz qyzmetinen.
Eske sala ketelik, buǵan deıin Atyraýda 14 jasar oqýshy mektepke bomba qoıylǵany týraly jalǵan habar bergenin jazǵan edik.