Áleýmettik jelide jalǵan aqparat taratqan adamdarǵa qandaı jaza taǵaıyndalady

NUR-SULTAN. QazAqparat – Tikushaq arqyly zııandy zat shashý nemese búkilálemdik sóz baılasý sekildi áleýmettik jelide áńgime taratyp, eldi adastyrǵandarǵa polıtsııa jazalaı ma? Bul suraqqa OKQ-da ótken baspasóz máslıhatynda Іshki ister vıtse-mınıstri Alekseı Kalaıchıdı jaýap berdi, dep habarlaıdy QazAqparat tilshisi.

«Shyny da bul suraq bıyl tipti ózekti bolyp ketti. Elde tótenshe jaǵdaı jarııalanyp, 11 mamyrda aıaqtalǵaly beri biz áleýmettik jelidegi jumysty kúsheıttik. Mundaı faktiler anyqtalyp jatyr. Árbir jaǵdaı boıynsha saraptama júrgizilip, buǵan deıin 86 qylmystyq is qozǵaldy. Alty adam sottaldy», - dedi Alekseı Kalaıchıdı OKQ-da ótken baspasóz máslıhatynda.

Onyń aıtýynsha quqyqtyq jaýapkershilik qylmystyq zańnamada aıqyn jazylǵan.

«Qylmystyq zańnamada bári naqty belgilengen. Al jaýapkershilik máselesi qoǵamǵa tıgizgen zııanyna qaraı beriledi», - dedi Alekseı Kalaıchıdı.

Buǵan deıin Alekseı Kalaıchıdı elimizde dári-dármekti zańsyz satýǵa qatysty 17 jaǵdaı boıynsha sotqa deıingi tergeý amaldary júrgizilip jatqanyn habarlady.

«Dári-dármekti qymbatqa satatyndar Ákimshilik quqyqbuzýshylyq jónindegi kodekstiń 426-baby boıynsha jaýapqa tartylady. Bul bap boıynsha jeke adamdarǵa 70 AEK, al iri kásipkerlik nysandarǵa 1 000 AEK aıyppul salynady», - dedi sondaı-aq Alekseı Kalaıchıdı OKQ-da ótken baspasóz máslıhatynda.