Áleýmettik jelide Túrkistannyń kıeli jerlerin nasıhattaǵandar marapattaldy

TÚRKІSTAN. QazAqparat - Túrkistan oblysy Tóle bı aýdanynda ótken «Taý samaly - jan samaly» festıvalinde «Tańǵajaıyp Túrkistan» baıqaýynyń jeńimpazdary marapattaldy. Atalmysh is-sharany Túrkistan oblystyq ishki saıasat basqarmasy uıymdastyrdy.

Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy sheńberinde ótken baıqaýǵa qyzyǵýshylyq joǵary boldy. 

Baıqaý jeńimpazdaryn Túrkistan oblysynyń ákimi Janseıit Túımebaev marapattady. 

Baıqaýdyń maqsaty - «Bolashaqqa baǵdar: rýhanı jańǵyrý» baǵdarlamasyndaǵy «Qazaqstannyń kıeli jerleri geografııasy» jobasyn júzege asyrý jáne týǵan jerdiń týrıstik áleýetin kóterip, tarıhyn nasıhattaý. 

Úmitkerler Feısbýk tobynda eń kóp daýys jınaǵan, eń kóp lúpil basylǵan, eń kóp bólisilgen kategorııalary boıynsha arnaıy komıssııanyń sheshimimen irikteldi.

Nátıjesinde, «Kórermender kózaıymy» nomınatsııasy Madına Sarybalaevaǵa berildi. 3-orynǵa  Sábıt Tastanbek,  Erlan Syzdyq laıyq dep tanyldy. 2-oryndy Dáýren Aımanbet jeńip aldy. 1-oryn Aqmaral Ǵanıqyzy men Qaırat Káribaevqa buıyrdy. Al, bas júlde Nesibeli Imanqulova men Ǵanı Nazarbekke tabys etildi.

Aıta keteıik, baıqaýǵa áleýmettik jelide belsendi kez kelgen azamat qatysa aldy. Baıqaýǵa bıylǵy jyldyń 14 qyrkúıeginen 12 jeltoqsanyna deıin shyqqan materıaldar jarııalandy.

Qatysýshylar úsh aı boıyna óńirdiń kıeli mekenderin keńinen nasıhattady.