Áleýmettik jelide sýıtsıdti nasıhattaıtyn toptardyń aktsııalary oryn alady degen aqparat jalǵan - ІІM
17:12, 10 Naýryz 2017
ASTANA. QazAqparat - Áleýmettik jelide sýıtsıdti nasıhattaıtyn toptardyń aktsııalary osy demalys kúnderi oryn alady degen aqparat jalǵan.
Bul týraly QR ІІM Memlekettik til jáne aqparat departamentiniń dırektory Almas Sadýbaev óziniń Feısbýktegi paraqshasynda jazdy, dep habarlaıdy QazAqparat.
«Áleýmettik jelide ishki ister organdaryna silteme jasaı otyryp, sýıtsıdti nasıhattaıtyn toptardyń aktsııalary oryn alýy múmkin degen sıpattaǵy eskertý habarlamasy taraýda. Biz bul aqparattyń shyndyqqa janaspaıtynyn habarlaımyz. Іshki ister organdary baılanystyń resmı arnalary ǵana azamattarǵa aqparat beredi. QR Qylmystyq kodeksiniń 274 babyna sáıkes qasaqana jalǵan aqparat taratqany úshin qylmystyq jaýapkershilik kózdelgendigin taǵy da bir eskertemiz», - dep jazdy Almas Sadýbaev.