Áleýmettik jelide sýıtsıdti nasıhattaıtyn 50 qoǵamdastyq jabyldy
«Jyl basynda qazaqstandyq jastardy sýıtsıdtik baǵyttaǵy túrli toptar men qoǵamdastyqtarǵa tartatyndyǵy jaıynda aqparattar mass-medıada qarqyndy tarady. Mınıstrlik Bas prokýratýramen jáne Іshki ister mınıstrligimen birlese otyryp, mundaı toptar men qoǵamdastyqtardy anyqtaý, olarǵa kirýge shekteý qoıý boıynsha naqty sharalar qabyldady. Qabyldanǵan sharalardyń nátıjesinde jyl basynan beri áleýmettik jelide sýıtsıdti nasıhattaıtyn 600 aqparattyq materıalǵa, 50 qoǵamdastyqqa kirýge shekteý qoıyldy», - dedi Dáýren Abaev.
Onyń aıtýynsha, mınıstrliktiń resmı saıtynda arnaıy bólim ashylǵan. Onda kelgen azamat ózi kúdikti sanaǵan materıal nemese resýrs tapqandyǵy týraly málimet qaldyra alady. «Biz mundaı aqparatty mindetti túrde tekseretin bolamyz», - dedi mınıstr.
Sonymen qatar ol baılanys operatorlarymen birlesip, balalarǵa nuqsan keltiretin Internettegi málimetterdi suryptaý máselesi qolǵa alynatyndyǵyn aıtty. ıAǵnı balalarǵa arnalǵan arnaıy toptar ázirlenedi. Onda bilim beretin jáne tanymdyq saıttardyń tizimi bolady.
«Bul qyzmet osy jyldyń sońyna deıin qoljetimdi bolady dep josparlanýda», - dedi ol.
Mınıstrdiń málimetinshe, 2016 jyldyń qorytyndysynda terrorızmdi, dinı ekstremızmdi, zorlyq-zombylyq pen sýıtsıdti nasıhattaıtyn 31 myń materıalǵa kirýge tyıym salynǵan.