Áleýmettik jelide qyz alyp qashýǵa qatysty taraǵan vıdeodaǵy oqıǵany polıtsııa túsindirdi
22:14, 04 Qyrkúıek 2022
ALMATY.QazAqparat - Áleýmettik jelilerde Almatyda bolǵan qyz alyp qashý oqıǵasy jóninde vıdeo tarady. Atalǵan fakti boıynsha qala polıtsııasy túsinikteme berdi, dep habarlaıdy QazAqparat Polisia.kz Telegram kanalyna silteme jasap.
Polıtsııanyń habarlaýynsha, oqıǵanyń qatysýshylary men mán-jaıy anyqtaldy.
«Kólik «Býran-266» ekıpajymen qalanyń Naýryzbaı aýdany aýmaǵynda ustaldy. Kólikte tórt adam boldy, onyń ishinde 28 jastaǵy A. esimdi qyz bala da bar. Ol ulttyq dástúrdi saqtaı otyryp, turmysqa shyqqaly jatqan kúıeý jigitiniń kóligine óz erkimen otyrǵanyn aıtty. Bastapqy materıaldy jınaqtaý tolyq kólemde júrgizildi», - dedi Almaly aýdandyq polıtsııa basqarmasynyń bastyǵy Esen Ysqaqov.