Áleýmettik jelide arandatýshylardyń tártipsizdik áreketi beınelengen vıdeolar tarap jatyr

NUR-SULTAN. QazAqparat – Áleýmettik jelide arandatýshylardyń tártipsizdik áreketteri beınelengen vıdeolar tarap jatyr, dep habarlaıdy QazAqparat tilshisi.

Áleýmettik jelide birneshe adamnyń polıtsııa kóligin ıterip, teńseltip jatqan sátinen vıdeo tarady. Vıdeodan halyqtyń ondaı tártipsizikke ózdigimen toqtaý salyp, kópshilikti oqys áreketten saqtandyryp jatqanyn kórýge bolady.

Sondaı-aq, BAQ-ta Almaty qalasynda arandatýshynyń polıtsııa qyzmetkerin soqqyǵa jyqqany týraly málimet tarady.

Jelide birneshe polıtsııa kóliginiń órtenip jatqan vıdeosy da júr.

«Medızona» resýrsy ereýilshilerdiń áreketin vıdeoǵa túsirgen tilshige shabýyl jasalǵanyn jazdy.

Eldegi jaǵdaıǵa baılanysty óner adamdary da alańdaýshylyq bildirip, halyqqa basý aıtyp jatyr.

Ardager akter, Halyq ártisi Asanáli Áshimov eldikke úndese, álem tanyǵan dara talant Dımash Qudaıbergen jyraqta issaparda júrgen jerinen sálemin joldady.