Áleýmettik jeli sybaılas jemqorlyqpen kúreste tıimdi qural bola alady - Chjoý Lıan

ASTANA. QazAqparat - Áleýmettik jeli sybaılas jemqorlyqpen kúreste tıimdi qural bola alady Bul pikirdi búgin elordada ótip jatqan Qazaqstan halqy Assambleıasynyń «Beıbitshilik pen kelisim mádenıeti» atty ІІ halyqaralyq medıa forýmy barysynda «Sınhýa» aqparat agenttiginiń Qazaqstadaǵy shef-tilshisi Chjoý Lıan bildirdi.

«Búginde azamattar keńinen qoldanatyn áleýmettik jeli qoǵamdaǵy jemqorlyq kórinisterimen kúreste tıimdi qural bola alady. Óıtkeni, jelide jarııalanǵan aqparattardyń quqyq qorǵaý organdar tarabynan tergeý amaldarynyń bastalýyna túrtki bolyp, talaı sheneýniktiń qylmysy áshkerelgeni belgili» - dep atap ótti ol. Máselen, onyń aıtýynsha, Qytaıda apat oryn alǵan jerge kelgen sheneýniktiń qolyndaǵy qymbat saǵat jurtshylyqtyń nazaryn aýdaryp, bul jaıt áleýmettik jelide taralǵannan keıin onyń ústinen quqyq qorǵaý organdar tarabynan qylmystyq is qozǵalǵan. «Áleýmettik jeliniń teris yqpaly bolatyndyǵyn da esten shyǵarmaǵan abzal. Keı kezde negizsiz, esh dálelsiz jarııa etilgen aqparat qoǵamda dúrbeleń týǵyzyp keleńiz jaıttardyń oryn alýyna túrtki bolady», - dedi Ch.Lıan.