Áleýmettik jáne eńbek qatynastaryn retteý máselesi: Astanadaǵy jaǵdaı qalaı

ASTANA. QazAqparat – Bıyl Astanada eńbek qaýipsizdigi jáne eńbekti qorǵaý jónindegi talaptardy saqtaý boıynsha 1500-den astam qyzmetkerdi qamtyǵan 50 kezdesý ótti, dep habarlaıdy QazAqparat tilshisi.

«Áleýmettik jáne eńbek qatynastaryn retteý maqsatynda qalada 34 myńnan astam ujymdyq shart jasaldy. Memlekettik eńbek ınspektorlarymen Astana qalasynyń Kásipodaq ortalyǵymen jáne QR Jumys berýshilerdiń ulttyq konfederatsııasymen birlesip, Astana qalasynda kásiporyndardyń eńbek ujymdarymen eńbek qaýipsizdigi jáne eńbekti qorǵaý jónindegi talaptardy saqtaý boıynsha túsindirý jumystaryn júrgizedi. Bıyl 1500-den astam qyzmetkerdi qamtyǵan 50 kezdesý ótti», - dedi Qalalyq orta sapasy jáne baqylaý basqarmasy basshysynyń orynbasary Erlan Ysmaǵulov kommýnıkatsııalar qyzmetinde ótken brıfıngide.

Sonymen qatar spıker baıandaǵandaı, bıyl Astanada eńbek zańnamasyn saqtamaǵan zańdy tulǵalarǵa 20 mln teńge aıyppul salynǵan. Buǵan qosa, jyl basynan beri 800-ge jýyq elordalyqtyń jalaqy boıynshabereshegi ótelgen.