Áleýmettik tólemdi proaktıvti formatta alǵysy keletinder sany ósti
Shilde aıynyń ortasynan bastap «Jumysynan aıyrylǵan jaǵdaıda tólenetin áleýmettik tólemdi taǵaıyndaý» proaktıvti memlekettik qyzmeti jeńildetilgen formatta iske qosyldy. Sonyń arqasynda bir aı ishinde proaktıvti formatta qyzmet alýǵa kelisken adamdardyń sany 18% - dan 29% - ǵa deıin ósti.
Buryn qyzmet alýshylarmen SMS dıalog kezinde eki SMS habarlamaǵa jaýap berý qajet bolatyn, birinshisi qyzmetti alýǵa kelisim bolǵan. Memlekettik qyzmetterdi proaktıvti túrde alǵan adamdardyń sanyn arttyrý úshin kórsetiletin qyzmetti alýshymen dıalog kezinde SMS sanyn ekiden bireýge deıin qysqartý týraly sheshim qabyldandy.
Endi bir SMS habarlamadaǵy suraý salýǵa jaýap berý arqyly kórsetiletin qyzmetti alýshy proaktıvti formatta memlekettik qyzmet kórsetýge avtomatty kelisim bolyp tabylatyn qyzmet kórsetý bankin tańdaýdy rastaıdy.
Esterińizge sala keteıik, QR Eńbek jáne halyqty áleýmettik qorǵaý mınıstrligi proaktıvti túrde memlekettik qyzmetter kórsetý protsesine reınjınırıng júrgizip jatyr.
Maýsym aıynda «bala týýǵa baılanysty jáne bir jasqa deıingi balanyń kútimi boıynsha járdemaqylar taǵaıyndaý» memlekettik qyzmeti jeńildetilgen formatta iske qosyldy, bul proaktıvti túrde taǵaıyndalǵan tólemder sanyn 10% - dan 37% - ǵa deıin arttyrdy. Jyl sońyna deıin bul kórsetkishti 50% - ǵa deıin jetkizý josparlanyp otyr.
Sondaı-aq, jyl sońyna deıin birqatar proaktıvti qyzmetterdi ońtaılandyrý josparlanýda, olar:
– asyraýshysynan aıyrylǵan jaǵdaıda tólenetin áleýmettik tólemdi taǵaıyndaý;
– asyraýshysynan aırylý boıynsha memlekettik áleýmettik járdemaqy taǵaıyndaý;
– eńbek etý qabiletinen aıyrylý jaǵdaıyna áleýmettik tólem taǵaıyndaý;
– múgedektigi boıynsha memlekettik áleýmettik járdemaqy taǵaıyndaý;
– «Altyn alqa», «Kúmis alqa» alqalarymen nagradtalǵan nemese buryn «Batyr Ana» ataǵyn alǵan, «Ana dańqy» ordenderimen nagradtalǵan kópbalaly analarǵa memlekettik járdemaqy taǵaıyndaý qyzmetteri.