Áleýmettik tólemderdi esepteý qaǵıdalary ózgerdi

NUR-SULTAN. QazAqparat – Memlekettik áleýmettik saqtandyrý qorynan tólenetin áleýmettik tólemderdiń mólsherin esepteý, áleýmettik tólemderdi taǵaıyndaý, qaıta esepteý qaǵıdalaryna ózgerister men tolyqtyrýlar engizildi, dep habarlaıdy QazAqparat tilshisi.

Eńbek jáne halyqty áleýmettik qorǵaý mınıstriniń 2022 jylǵy 31 qańtardaǵy buıryǵy boıynsha, náleýmettik tólemderdi alýǵa quqyǵy bar adamdar turǵylyqty jeri boıynsha jeke basyn kýálandyratyn qujatpen jáne qorǵa ótinishpen júginýi kerek.

1) Eńbek etý qabiletinen aıyrylǵan jaǵdaıda:

A) jalpy eńbek etý qabiletinen aıyrylý dárejesi alǵash ret belgilengen kezde – medıtsınalyq-áleýmettik saraptama bólimshesi arqyly;

B) jalpy eńbek etý qabiletinen aıyrylý dárejesi ótinim berý kezinde belgilengen bolsa – memlekettik korporatsııa arqyly júginý kerek.

Buıryqta ótinish «Bir ótinish» qaǵıdaty boıynsha beriletini aıtylǵan.

Degenmen, ótinish berýdiń mynadaı naqty múmkindikteri kórsetilgen:

tıisti óńirdiń medıtsınalyq-áleýmettik saraptama bólimshesiniń ornalasqan jeri boıynsha;

kóshpeli otyrystarda:

ótinish berýshiniń turǵylyqty (tirkelgen) jeri boıynsha emdeý-aldyn alý mekemeleriniń bazasynda;

mamandandyrylǵan mekemelerde emdelýde bolǵan jeri boıynsha;

ótinish berýshiniń kelgen jeri boıynsha túzeý mekemelerinde jáne tergeý ızolıatorlarynda;

úıde, statsıonarda-eger adam dárigerlik-konsýltatsııalyq komıssııanyń qorytyndysyna sáıkes densaýlyq jaǵdaıy boıynsha Medıtsınalyq-áleýmettik saraptamaǵa kele almasa;

syrttaı-kýálandyrylatyn adam tasymaldaýǵa kelmeıtin nemese qyzmet kórsetiletin óńirden tys jerlerde statsıonarlyq emdelýde bolǵan kezde, kýálandyrylatyn adamnyń nemese zańdy ókiliniń kelisimimen «eńbek etý qabiletinen aıyrylǵan jaǵdaıda áleýmettik tólem taǵaıyndaý» memlekettik kórsetiletin qyzmet standartynda aıqyndalǵan usynylǵan qujattar negizinde;

2) Asyraýshysynan aıyrylǵan jaǵdaıda Memlekettik korporatsııa arqyly áleýmettik tólem taǵaıyndaý trýaly ótinish berý kerek bolsa, tólemniń úlesine quqyǵy bar adam turǵylyqty jeri boıynsha Memlekettik korporatsııanyń bólimshesine júginedi.

3) Jumyssyz qalǵan jaǵdaıda áleýmettik tólem týraly myna joldarmen ótinish berýge bolady:

Memlekettik korporatsııa (jumyssyz retinde tirkeý týraly málimetter bolǵan kezde);

jumyspen qamtý ortalyǵy – adamdy jumyssyz retinde tirkegen jáne jumysynan aıyrylǵan jaǵdaıda áleýmettik tólem taǵaıyndaýǵa «bir ótinish» qaǵıdaty boıynsha júgingen kezde;

portal – jumyssyz retinde tirkeý týraly málimetter bolǵan jaǵdaıda;

«Elektrondyq eńbek bırjasy» portaly – atalmysh portalda jumyssyz retinde tirkelgen kezde;

4) Júktilikpen jáne bosanýmen, jańa týǵan balany (balalardy) asyrap alýmen baılanysty tabysynan aıyrylǵan jaǵdaıda tólenetin áleýmettik tólemdi taǵaıyndaý týraly Memlekettik korporatsııa arqyly ótinish berýge bolady;

5) Bala bir jasqa tolǵanǵa deıin onyń kútimine baılanysty tabysynan aıyrylǵan jaǵdaıda tólenetin áleýmettik tólemd taǵaıyndaýǵ týraly ótinish berýge bolady:

- Memlekettik korporatsııa arqyly;

- Portal arqyly.

Buıryq 2022 jylǵy 15 aqpannan bastap qoldanysqa enedi.